Azərbaycanda qaz ixracı 10%-dək artıb

Bu ilin yanvar-may aylarında Azərbaycandan qaz ixracı 10,3 mlrd. kubmetr olub, bu da illik müqayisədə 9,6% çoxdur.

1news.az xəbər verir ki, bu barədə energetika naziri Pərviz Şahbazov “Twitter“ hesabında paylaşım edib.

Məlumata görə, Avropaya 4,8 mlrd. kubmetr, Türkiyəyə 4.3 mlrd. kubmetr, Gürcüstana isə 1,2 mlrd. kubmetr qaz ixrac olunub. Bu dövrdə Trans-Anadolu kəməri (TANAP) Türkiyəni 2,4 mlrd. kubmetr qazla təchiz edib.

“Yanvar-may aylarında qaz ixracı 9.6% artıb. Avropaya 4.8 mlrd.m3, Türkiyəyə 4.3 mlrd.m3, Gürcüstana isə 1.2 mlrd.m3 qaz ixrac olunub. Bu dövrdə TANAP Türkiyəni 2.4 mlrd.m3 qazla təchiz edib”, - paylaşımda qeyd olunub.