“Təəssüf ki, özünü təhlükədə hiss edən qadınların istifadə edə biləcəyi mobil bir tətbiq yoxdur” - Komitə sədri

“Təəssüflə deyə bilərəm ki, özünü təhlükədə hiss edən qadınların istifadə edə biləcəyi mobil bir tətbiq yoxdur”.

1news.az xəbər verir ki bu sözləri Ailə, Qadın və Uşaq Problemləri üzrə Dövlət Komitəsinin sədri Bahar Muradova Ailə, Qadın və Uşaq Problemləri üzrə Dövlət Komitəsinin 2023-cü ilin ilk 6 aylıq fəaliyyətinə həsr olunmuş brifinqində deyib.

“Amma qeyri-hökumət təşkilatları bununla bağlı təşəbbüslər irəli sürür. Biz bu cür təşəbbüsləri daim dəstəkləyirik. Qeyri-hökumət təşkilatlarının qaynar xəttlərinə belə müraciətlər olur. Bu vacib bir məsələdir. Qarşıdakı dövrdə bu mobil tətbiqin yaradılması məsələsinə çox ciddi diqqət yetirəcəyik. Ona görə ki həyatı təhlükədə olan bir şəxsin ölüm riski var. Bu başqa ölkələrin təcrübəsində sınaqdan çıxmış çox vacib bir üsuldur. Söz verirəm ki, yaxın zamanlarda bununla bağlı müvafiq bir məlumat ictimaiyyətə təqdim olunacaq ”.