Nazir: “Biz təhsildə islahat yolunda irəliləməliyik”
“İstəyirik təhsil mövzusu hər zaman müzakirə olunsun”.
1news.az xəbər verir ki, bunu Bakı Şəhəri təhsil işçilərinin sentyabr konfransında çıxış edən Elm və təhsil naziri Emin Əmrullayev deyib.
“Bizim təhsil islahatı yolumuz olmalıdır, biz bu yolu irəliləməliyik. Bizim əsas vurğulamaq istədiyimiz əsas məsələ təhsilin təşkilidir. Təhsili yüksək inkişaf edən ölkələrdə aşağıdan yaxşı təhsilə başlanılır. Nümunə üçün baxsaq, Finlandiyada məktəbəqədər təhsil sahəsində çalışan müəllimlərin əksəriyyətinin minimum magistratura təhsili var. Bizdə bununla bağlı araşdırmalara başlanılanda görüldü ki, əksəriyyət məktəbəqədər təhsil müəllimlərinin heç təhsili yoxdur. Biz artıq bununla bağlı işlərə başlamışıq. Bu bizim başlanğıc işimizdir. Bu problemdir və çalışmalıyıq daha çox uşağımız məktəbəqədər təhsilə cəlb olunsun. Məktəbəqədər təhsildən sonra önəmli olan ibtidai təhsildir. Artıq ölkədə bütün ibtidai sinif müəllimlərini sertifikasiyadan keçirmişik. Görülən ondan ibarətdir ki, məktəblərdə ibtidai sinif müəllimlərinin bəziləri zəif nəticə göstərib. Son 10-15 ildə işə qəbul olunan müəllimlərin nəticələri daha yaxşıdır. Heç bir təhsil sistemi müəllimin səviyyəsindən yüksək ola bilmir”.
