Paşinyanın partiyası İrəvan və Bakının sülh müqaviləsi layihəsi üzrə hələlik razılığa gələ bilmədiyi məqamları açıqlayıb

Ermənistanın hakim “Vətəndaş müqaviləsi” partiyasının katibi İrəvan və Bakının sülh müqaviləsi layihəsi üzrə hələlik razılığa gələ bilmədiyi əsas məqamları açıqlayıb.

1news.az xəbər verir ki, partiyanın katibi Artur Hovhannisyanın sözlərinə görə, həmin məqamlar arasında ərazi bütövlüyünün qarşılıqlı tanınması, Qarabağ sakinlərinin hüquqlarının və təhlükəsizliyinin təmin edilməsi, Ermənistanın suverenliyinin qorunması yer alır.

Hovhannisyan jurnalistlərə bildirib ki, bəzi təfərrüatların indi ictimaiyyət üçün işıqlandırılmasına ehtiyac yoxdur.