Ötən gün Daşkənd Beynəlxalq Film Festivalının açılış mərasimi keçirilib - FOTO
Ötən gün , sentyabrın 29-da Əlişir Nəvai adına Kino Evində “İpək yolu incisi” 15-ci Daşkənd Beynəlxalq Film Festivalının açılış mərasimi keçirilib.
1news.az-ın Özbəkistana ezam olunmuş əməkdaşı xəbər verir ki, Açılış mərasimindən əvvəl dünyanın və Özbəkistanın məşhur kino ulduzları xüsusi təşkil olunmuş qırmızı xalçadan keçiblər. Tədbirdə 300-ə yaxın kino xadimi, aktyor və aktrisalar, rejissor və operatorlar, prodüserlər və kinoşünaslar, kinoşünaslar iştirak edib.
Mərasimdə özbək tamaşaçılarına “Taksi” filmindəki rolu ilə tanınan məşhur fransız aktyoru Frederik Diefental da qatılıb. Əndican mahnısının sədaları altında rəqs etdi. Türkiyənin məşhur müğənnisi Ayla Çelikin ifa etdiyi tədbirdə konsert proqramı da təşkil olunub.
Tədbirdə Milli Film Müsabiqəsinin qalibləri elan edilib və mükafatlandırılıb. Belə ki, sözlərinə görə, Haşım Arslanov “Ən yaxşı kişi rolu” nominasiyasında “Uçuş 101” filmindəki roluna görə qalib seçilib. “Ən yaxşı qadın rolu” nominasiyasında “Qadın qjsməti” filmindəki roluna görə Rəna Şodiyeva qalib olub. Həmçinin Əli Həmroyev “Səmərqənddə qovun təzəliyi” filmi ilə “Ən yaxşı rejissor” mükafatını qazanıb. Kəmarə Kamalovanın “Kim deyəy səni” (Sənə kim deyək?) filmi “Ən yaxşı film” mükafatına layiq görülüb.
Açılış mərasimindən sonra Kann Beynəlxalq Film Festivalında “Qızıl Palma budağı” mükafatını qazanan fransız rejissor Castin Trietin “Payızın anatomiyası” filmi nümayiş etdirilib.
Xatırladırıq ki, 29 sentyabrda açılış mərasimi olan Daşkənd Beynəlxalq Film Festivalının bağlanış mərasimi oktyabrın 2-də Səmərqənd şəhərində olacaq. Festival tədbirlərinə tanınmış və istedadlı kinorejissorların iştirakı ilə ustad dərsləri, populyar filmlərin nümayişi, müsabiqə proqramları və s. daxildir.
