Türk Dövlətləri Təşkilatına üzv ölkələrinin mütəxəssisləri Azərbaycanın qala şəhərləri ilə tanış olacaqlar

09-13 oktyabr 2023-cü il tarixlərində Bakıda baş tutacaq “Yaşanılabilən və Dayanıqlı İrs Şəhərləri” adlı beynəlxalq konfrans çərçivəsində Türk Dövlətləri Təşkilatına üzv ölkələrin tarixi şəhər və qoruqlarının mütəxəssisləri və beynəlxalq təşkilatların nümayəndələri İçərişəhər, Şuşa və Şəki qala şəhərlərini ziyarət edərək, tarixi abidələr, eləcə də post-müharibə dövründə aparılan bərpa işləri ilə tanış olacaqlar.

Bu barədə 1news.az-a "İçərişəhər" Dövlət Tarix-Memarlıq Qoruğu İdarəsindən məlumat verilib.

Xatırladaq ki, “Yaşanılabilən və Dayanıqlı İrs Şəhərləri” beynəlxalq konfransı “İçərişəhər” Dövlət Tarix-Memarlıq Qoruğu İdarəsi və Türk Dövlətləri Təşkilatının təşəbbüsü ilə keçiriləcəkdir.