“Azərxalça”nın dəstəyi ilə “Bağçada meyvələr” xalça kolleksiyasının ilk xalçalarının kəsmə mərasimi baş tutdu - FOTO | 1news.az | Xəbərlər
Mədəniyyət

“Azərxalça”nın dəstəyi ilə “Bağçada meyvələr” xalça kolleksiyasının ilk xalçalarının kəsmə mərasimi baş tutdu - FOTO

Qafar Ağayev15:37 - 17 / 11 / 2023
“Azərxalça”nın dəstəyi ilə “Bağçada meyvələr” xalça kolleksiyasının ilk xalçalarının kəsmə mərasimi baş tutdu - FOTO

Azərbaycanın ənənəvi xalçaçılıq sənətinin Azərbaycan Respublikasının Birinci vitse-prezidenti Mehriban xanım Əliyevanın bilavasitə təşəbbüsü və dəstəyilə UNESCO-nun Qeyri-maddi mədəni irs üzrə reprezentativ siyahısına daxil edilməsinin 13-cü ildönümü və “Azərxalça” ASC – nin gənc, istadadlı, yaradıcı rəssam və xalçaçılarla növbəti əməkdaşlığının nümayişi münasibəti ilə cəmiyyətin Nardaranda yerləşən xalça emalatxanasında tədbir baş tutub.

1news.az xəbər verir ki, tədbirdə rəssam Samirə Allahverdiyevanın “Bağçada meyvələr” adlı rəsm kolleksiyası əsasında toxunmuş ilk xalçaların kəsmə mərasimi baş tutub.

Kolleksiyaya “Talış”, “Naxçıvan”, “Malıbəyli”, “Çələbi” kimi xovlu Qarabağ xalçaları, “Xilə Əfşan” Şirvan, Bakı, “Tirmə buta” Gəncə xalçaları daxildir. Bütün xalçalar “Azərxalça” ASC- nin Nardaran emalatxanasında 1 il ərzində 14 toxucu xanım tərəfindən toxunub. Xalçalar üzərindəki meyvə ornamentləri 3D texnikası ilə işlənilib. Kolleksiyaya daxil xalçalar limitli saydadır: hər bir xalçadan cəmi 10 nümunə.

Mərasimdə iştirak edən “Azərxalça” ASC-nin İdarə heyətinin sədri, Əməkdar İncəsənət xadimi Emin Məmmədov tədbiri açıq elan edərək, hər kəsi salamlayıb və çıxışı zamanı qeyd edib ki, dəyişən və qloballaşan dünyada milli-mənəvi irsimiz, xalçalarımızı bütün dünyaya daha müasir tərzdə təqdim etmək artıq mütləqdir: “Müasir və müxtəlif rənglərlə göz oxşayan xalçalarımız dünyanın bütün nöqtələrində müasir interyerli məkanların ən dəyərli bəzəyi olsun! Bütün dünyanın artıq 13 ildir ki, UNESCO-nun Qeyri-maddi mədəni irs üzrə reprezentativ siyahısına aid olan Azərbaycan xalçaçılıq sənətinin nadir incilərini müasir dizaynda görməsinin vaxtıdır. Bugün təqdim etdiyimiz, xüsusi 3 D texnikası ilə işlənilən xalçalarımız kimi”

Tədbirdə çıxış edən Samirə Allahverdiyeva kolleksiyasının ideyası, yaranma səbəbi və “Azərxalça” ASC ilə əməkdaşlıqla bağlı fikirlərini bildirib: “Uşaqlıqdan əslən Zəngilanlı olan, irsi xalçaçı Zərnişan nənəmin ruhunu və doğma torpağa məhəbbətini sərf edərək gözəl xalçalar toxumasına heyrətlə baxırdım.

“Əvvəllər kənd yerlərində hər kəs bağında ağacların altına evində olan xalçaları sərib tez quruması üçün meyvələri də üstünə tökürdülər” deyirdi nənəm. Bu günə kimi xalçalar üstündəki günəşli xurmanın, alqırmızı narların, şirəli limonların ərsəyə gətirdiyi “göy qurşağı” göz önümdədir və o mənəzrə mənim bütün yaradıcılığıma təsir edib.

Xalça əcdadlardan mirasdır, uşaqlıq xatirələridir. Uşaqlığım isə o zamanlardan dəyərli məlumatlarla dolu olan bu ornamentlərin təkcə vizual yaddaşımda deyil, həm də ürəyimdə həkk olduğunun bariz nümunəsidir. Azərbaycan xalçası yerli landşaftların bütün rəng çalarlarını özündə cəmləşdirir: səmanın tünd mavisi, günəşin parlaq qızılı, yarpaqların yaşıllığı, çiçəklərin parlaq rəngləri və Azərbaycan xalqının yaratdığı meyvə və giləmeyvələrin bütün müxtəlif çalarları... Rəsmlərimin hər birində ölkəmin bərəkətli torpağının zəngin olduğu şirəli meyvə elementlərini əks etdirən sirli xalça motivləri var.

Mənimlə “Azərxalça” ASC arasında əməkdaşlıq bir şansdır, birgə layihəmizin xalçaları ölkəmizi, onun zənginliyini, çoxəsrlik tarixi, özünəməxsus təbiəti, bənzərsiz mədəniyyəti təmsil edir”.

Əslən Zəngilandan olan Samirə Allahverdiyeva Astarxanda anadan olub. 2007-2014 illər ərzində Azərbaycan Dövlət Rəssamlıq Akademiyasının rəngkarlıq üzrə bakalavr, qrafik dizaynerlik üzrə isə magistr pilləsini qurtarıb, Gənc Rəssamlar Ittifaqının üzvüdür. Azərbaycan, Türkiyə, Amerika, Belçika və Rusiya kimi ölkəlrədə sərgilərdə iştirak edib, əsərləri şəxsi kolleksiyalarda saxlanılır.

Ənənəvi gənclərlə birlikdə iş, əməkdaşlıq sahəsində Azərbaycan xalça sənətinin “Azərxalça” ASC tərəfindən həm Azərbaycan daxili, həm də beynəlxalq aləmdə təbliği istiqamətində müvafiq fəaliyyətlər uğurla davam etdirilir.

Paylaş:
549

Son xəbərlər

8 Noyabr prospekti - Zığ yolu təmir olunur02 / 12 / 2023, 18:01Heydər Əliyev Sarayının direktorunun birinci müavini işdən çıxıb02 / 12 / 2023, 17:50Sərhəddə keçirilən görüş, Azərbaycana qarşı qərəz, gecikən sülhün Ermənistana təsirləri - Deputatla MÜSAHİBƏ02 / 12 / 2023, 17:40“Azərbaycanda şərab turizminin inkişaf perspektivləri” mövzusunda konfrans keçirilib02 / 12 / 2023, 17:30Naxçıvanda məktəblər dezinfeksiya olunur02 / 12 / 2023, 17:18Bakıda narkotik vasitələrin təsiri altında sərnişin avtobusu idarə edən sürücü saxlanılıb02 / 12 / 2023, 16:57Şəkidə Türkiyə vətəndaşına məxsus yük avtomobili yanıb - FOTO02 / 12 / 2023, 16:38Mədəniyyət naziri tanınmış kinorejissorun evinə gedib - FOTO02 / 12 / 2023, 16:18Əlahiddə Ümumqoşun Ordusunda avtomobil texnikalarına baxış keçirilib02 / 12 / 2023, 16:00Çexiyanın xarici işlər naziri Azərbaycanın sülh səylərini müsbət qiymətləndirib02 / 12 / 2023, 15:38Əli Əsədov BƏƏ-nin vitse-prezidentini təbrik edib02 / 12 / 2023, 15:14Qızılca ilə əlaqədar Bakı məktəblərində dezinfeksiya işləri aparılır02 / 12 / 2023, 14:47Milli Məclisin sədri Azərbaycan-Ermənistan sülh sazişinə mane olanlara çağırış edib02 / 12 / 2023, 14:29Saatlı sakinləri sənədsiz silahlarını polisə təhvil veriblər02 / 12 / 2023, 13:55Azərbaycan XİN BƏƏ-ni təbrik edib02 / 12 / 2023, 13:36FHN ağacəkmə aksiyası keçirib02 / 12 / 2023, 13:29İcma: Ermənistanın uğursuz dövlət olmasının bir səbəbi də mağara təfəkkürlü erməni diplomatiyasıdır02 / 12 / 2023, 13:06Sabahın hava proqnozu02 / 12 / 2023, 12:45Kərim Vəliyev yüksək dağlıq ərazidəki hərbi hissələrin döyüş hazırlığını yoxlayıb - FOTO - VİDEO02 / 12 / 2023, 12:27FHN: Ötən sutka ərzində 50 yanğına çıxış, 3 nəfər xilas edilib02 / 12 / 2023, 12:17
Bütün xəbərlər

Next TV