Xankəndidə olacaq Qarabağ Universitetinə qəbul bu tarixdən başlanacaq – Nazir açıqladı
“Gələn ildən Xankəndidə yerləşən Qarabağ universitetində tələbə qəbuluna başlanılacaq”.
1news.az xəbər verir ki, bunu elm və təhsil naziri Emin Əmrullayev media üçün keçirilən brifinqdə deyib.
Nazir bildirib ki, qəbul prosesi 3 mərhələdə aparılacaq.
“Dövlət İmtahan Mərkəzinin qəbul imtahanları əsasında I kurs tələbələri, SABAH qruplarında təhsil alan gənclərin orada təhsil alması mümkün olacaq, bu, onların müraciətinə əsasən olacaq. Bundan başqa, mübadilə proqramları və ya ikili diplom proqramları da işlək olacaq. I mərhələdə 4 fakültənin olması planlaşdırılır. Növbəti mərhələdə ixtisas seçimlərinin sayı artırılacaq.
Nazir bildirib ki, 800-1000 min tələbənin Xankəndidə təhsil almasını planlaşdırılır.
“Əsas tədris və idarəetmə heyətinin daimi yerləşdirilməsi nəzərdə tutulub. İlkin mərhələdə onların sayı 30-40 nəfər olacaq. Professor və müəllim heyətinin intensiv modullar əsasında səfəri və onlayn qaydada tədrisin təşkili nəzərdə tutulub".
