“Azərbaycan və Ermənistan arasında yeni səhifənin açılması üçün belə addımlar vacibdir” - POLİTOLOQ | 1news.az | Xəbərlər
Siyasət

“Azərbaycan və Ermənistan arasında yeni səhifənin açılması üçün belə addımlar vacibdir” - POLİTOLOQ

Ayşən İsmayılova15:20 - 08 / 12 / 2023
“Azərbaycan və Ermənistan arasında yeni səhifənin açılması üçün belə addımlar vacibdir” - POLİTOLOQ

“Hərbçilərin qarşılıqlı olaraq geri qaytarılması Azərbaycan və Ermənistan arasında birbaşa təmaslar nəticəsində baş tutdu”.

Bu sözləri 1news.az-a “Bakı Politoloqlar Klubu” İctimai Birliyinin sədri Zaur Məmmədov Azərbaycanla Ermənistan arasında 2 Azərbaycan hərbçisinin azad edilməsi barədə razılıq olunması ilə bağlı açıqlamasında deyib.

“Artıq müharibə dövrü başa çatıb. Hazırda sülh müqaviləsinin mətni ilə bağlı danışıqlar davam etməkdədir. Yeni münasibətlərin qurulması üçün humanitar məsələlərdə bir sıra irəliləyişlər etmək lazımdır. Ümumiyyətlə, Azərbaycan Ermənistandan fərqli olaraq həmişə öz humanizmi ilə seçilib. Biz müharibədən sonra İrəvanı başa salmağa çalışırdıq ki, keçmişə yox, gələcəyə baxmaq lazımdır. Qonşuluq siyasəti işğalçılıq siyasəti ola bilməz. Yeni səhifə açmaq lazımdır və bu yeni səhifənin açılması üçün belə addımlar vacibdir”.

Zaur Məmmədov

“Yeri gəlmişkən, azad edilənlər arasında Qarabağda Azərbaycan xalqına qarşı cinayətlər törədən, Azərbaycan torpaqlarının işğalda saxlanılmasına çağırışlar edən şəxslər yoxdur” - deyə, Z.Məmmədov əlavə edib:

“Bu isə o deməkdir ki, rəsmi Bakı kimin kim olduğunu çox yaxşı bilir. Bilirik ki, hazırda Brüssel və Vaşinqtonda Azərbaycan və Ermənistan xarici işlər nazirləri arasında görüşün keçirilməsi ilə bağlı hazırlıqlar getməkdədir. Həmin görüşdə çox vacib məqamlara toxunulacaq. ABŞ və Azərbaycan arasında son zamanlar olan təmaslar Bakının tələblərinin nədən ibarət olmasını həm Qərbin, həm də Ermənistanın diqqətinə çatdırır. İndi görək Ermənistan Azərbaycanın tələblərinə necə cavab verəcək?”

Qeyd edək ki, Azərbaycan Prezidentinin Administrasiyası və Ermənistan Baş nazirinin Aparatı arasında aparılmış danışıqlar nəticəsində humanizm prinsipinə sadiqlik ruhunda, xoş niyyət göstəricisi olaraq iki ölkə arasında qarşılıqlı etimad tədbiri kimi Azərbaycan tərəfindən erməni əsilli 32 şəxsin, Ermənistan tərəfindən isə 2 Azərbaycan hərbçisinin azad edilməsi barədə razılıq əldə edilib.

Xatırladaq ki, Hüseyn Axundov ilk olaraq Ermənistan dövlət sərhədini qanunsuz keçmək, odlu silah və döyüş sursatı qaçaqmalçılığında, o cümlədən aprelin 12-də mis-molibden zavodunun gözətçisi Ayrapet Meliksetyanı qətlə yetirməkdə ittiham olunaraq barəsində 20 illik həbs qərarı çıxarılmışdı.

Lakin 6 dekabr 2023-cü il tarixində Ermənistan məhkəməsi zavodun digər mühafizəçisinin şikayətini təmin edərək H.Axundov barəsində ömürlük həbs qərarı çıxardı.

Həmçinin digər azərbaycanlı əsir Aqşin Bəbirova da dövlət sərhədini qanunsuz keçməkdə və odlu silah, sursat qaçaqmalçılığında günahlandırılaraq 11,5 il müddətinə həbs cəzası verilmişdi.

Həmçinin oxuyun: Azərbaycan 32 erməni hərbçini, Ermənistan isə 2 azərbaycanlı hərbçini azad edib

Paylaş:
277

Son xəbərlər

Bakıda taxta bazarı yanır, əraziyə polislər cəlb olunub - YENİLƏNİBBu gün, 17:40İcma: G7-nin açıq-aşkar ayrı-seçkiliyə yol verməsi insan hüquqlarına ziddirBu gün, 17:25Cavanşir Məmmədov dəfn olunub - YENİLƏNİB 1Bu gün, 16:41Ceyhun Bayramov İran səfirini diplomatik fəaliyyətinin başa çatması münasibətilə qəbul edibBu gün, 16:39Səfir: TDT-nin əsas məqsədi türk dövlətləri arasında əlaqələrin inkişaf etdirilməsidirBu gün, 16:06Ceyhun Bayramov İran səfirini diplomatik fəaliyyətinin başa çatması münasibətilə qəbul edibBu gün, 15:47FHN tərəfindən silsilə maarifləndirmə tədbirləri keçirilibBu gün, 15:32Bakıda daha bir müntəzəm marşrut xətti "BakuBus"a verilibBu gün, 15:15Gəncədə yanan ev söndürülüb - YENİLƏNİBBu gün, 14:56Bakıda gömrükçülər xeyli miqdarda aksiz markasız siqaretlər aşkar ediblərBu gün, 14:20Bakıda növbəti ümumşəhər iməcliyi keçirilib - FOTOBu gün, 14:08Dünya bazarlarında neft bahalaşıbBu gün, 13:49Müdafiə naziri Quru Qoşunlarının rəhbər heyəti ilə görüşübBu gün, 13:35TƏBİB Cavanşir Məmmədovun ölümü ilə bağlı məlumat yayıb - YENİLƏNİBBu gün, 13:20Zakir Həsənov Qarabağdan çıxan Rusiya sülhməramlılarına lazımi texniki dəstəyin göstərilməsi tapşırığını veribBu gün, 13:03Beynəlxalq axtarışda olan daha bir şəxs Azərbaycana ekstradisiya edilibBu gün, 12:45FHN Lənkəranda qanunsuz tikililəri sökübBu gün, 12:40Sabunçuda 34 yaşlı kişi qətl edilibBu gün, 12:14“Həmin gün...” musiqili-poeziya gecəsində - FOTOBu gün, 12:00Sabah hava necə olacaq? - PROQNOZBu gün, 11:53
Bütün xəbərlər