Göygöldə avtomobillər toqquşub, ölən və xəsarət alan var

Bakı-Qazax magistral yolunun Göygöl rayonunun Quşqara kənd yaxınlığından keçən hissəsində ölümlə nəticələnən yol qəzası baş verib.

1news.az "Report"a istinadən Qərb bürosunun məlumatına görə, qəza zamanı iki avtomobil toqquşub.

Nəticədə 1986-cı il təvəllüdlü Nüsrət Nüsrətzadə aldığı xəsarətlərdən dünyasını dəyişib. Daha bir neçə nəfər isə xəsarət alıb. Zərərçəkənlər xəstəxanaya çatdırılıb.

Faktla bağlı araşdırma aparılır.