Azərbaycanda 10 il ərzində 25 milyondan çox “IMEI” kod qeydiyyatdan keçirilib

Bu günədək Azərbaycanda 25 milyondan çox "IMEI" kod qeydiyyatdan keçirilib.

1news.az xəbər verir ki, Rəqəmsal İnkişaf və Nəqliyyat Nazirliyinin tabeliyində olan “AzInTelecom” MMC-dən 1news.az-a verilən məlumata görə, başqa cihaza köçürüldüyü aşkarlanan 16 mindən çox IMEI kodun istifadəsi isə məhdudlaşdırılıb.

Qeyd edək ki, 10 ildən çoxdur ki, Azərbaycanda Mobil Cihazların Qeydiyyatı Sistemi fəaliyyət göstərir. 2013-cü ildən bəri ölkəyə gətirilən bütün mobil cihazların IMEI kodları bu sistemdə toplanır.