Ölkəmizdə VII dəfə Milli İnsan Resursları Forumu (MİRF2024) keçiriləcək!

Ölkəmizdə insan resurslarının inkişafı istiqamətində bilik və təcrübələrin paylaşılması üçün peşəkar spikerlərin öz təcrübələrini bölüşdüyü Milli İnsan Resursları Forumu bu il VII dəfə “Facemark”, “HR Option” və “HRENGINEERING” təşkilatçılığı ilə 24 aprel 2024-cü ildə təşkil olunacaqdır.

“Birlikdə`n qazan” konsept mesajı ilə keçiriləcək tədbirdə uğurlu komanda mühiti yaratmaq, birlikdə məsuliyyəti bölüşüb, effektivliyi artıraraq uğur qazanmağın üsulları və ortaq hədəflərə çatmaq üçün bərabər çalışmağın yollarından bəhs olunacaqdır.

Forumun qarşıya qoyduğu əsas hədəf insan resursları idarəçiliyi üzrə peşəkar spikerlərin çıxışı və yaradılacaq müzakirə mühiti ilə sahəyə dair müxtəlif mövzuları müzakirə etmək, problem və həll yolları üzərində fikir mübadiləsi aparmaqdır. 600 nəfərdən çox yerli və xarici şirkət nümayəndəsinin iştirakı ilə “Baku Marriott Hotel Boulevard”da təşkil olunacaq tədbirdə insan resursları sahəsinin peşəkarları, şirkət rəhbərləri, sahibkarlar, dövlət və özəl sektor nümayəndələri iştirak edəcəkdir.

Peşəkar moderator və spikerlər “Komanda quruculuğu”, “Komanda adamı”, “Komandanın uğursuzluğu” panelləri üzrə müxtəlif mövzuları müzakirə edərək “Birlikdə`n qazan”mağın yollarından danışacaqlar.

Milli İnsan Resursları Forumuna bilet əldə etmək və tədbirlə bağlı ətraflı məlumat əldə etmək üçün forumun rəsmi saytına (www.mirf.az) keçid edə və sosial media hesablarımızı izləyə bilərsiniz.

Facebook: https://www.facebook.com/mirfaze

İnstaqram: https://www.instagram.com/mirf.aze/

Linkedln: https://www.linkedin.com/company/mi%CC%87rf/?viewAsMember=true