7 saylı Səbail seçki dairəsinin 7 saylı məntəqəsində indiyədək səsverənlərin sayı açıqlandı - FOTO
“Səhər saatlarından məntəqədə seçicilərin aktivliyi müşahidə olunur”.
Bunu 1news.az-a açıqlamasında 7 saylı Səbail seçki dairəsinin 7 saylı seçki məntəqəsinin sədri Həsən Vəliyev deyib.
O, bildirib ki, saat 7:30-dan seçicilər səs vermək üçün növbəyə durmuşdular. Saat 8:00-da seçici izdihamı yaşanırdı. İndidəyədək 700-ə yaxın seçici səsvermə hüququndan istifadə edib. Saat 19:00-a qədər seçicilərin gələcəyi gözlənilir”.
H. Vəliyev deyib ki, gün ərzində həm beynəlxalq, həm də yerli müşahidəçilər məntəqəyə gələrək səsvermə prosesini izləyiblər.
"7 saylı Səbail seçki dairəsinin 7 saylı seçki məntəqəsinin dislokasiyasında 1086 seçici var. Onlardan 15 nəfər bizdən qeydiyyatdançıxma vəsiqəsi alıb. Eyni zamanda burada səs vermək üçün qeydiyyata düşənlər də var” - deyə o, bildirib.
Qeyd edək ki, 1news.az-ın əməkdaşları məntəqədə saat 16:50-də olub.
FOTO: Nadir İbrahimli
