Cəzaçəkmə müəssisəsinə narkotik keçirilməsinin qarşısı alınıb

Ədliyyə Nazirliyi Penitensiar xidmətin əməliyyat aparatının əməliyyat-axtarış tədbirləri nəticəsində 11 saylı cəzaçəkmə müəssisəsinə narkotik və psixotrop maddələr keçirilməsinin qarşısı alınıb.

1news.az xəbər verir ki, bu barədə Penitensiar xidmətdən bildirilib.

Məhkum Qasım Abbas oğlu Məmmədov ilə qısamüddətli görüşə gəlmiş əmisi oğlu Kamran Arif oğlu Məmmədovun əşyalarına və üzərinə baxış keçirilən zaman alt paltarında gizlədilmiş bükülüdə 0,239 qram metamfetamin və 0,437 qram heroin aşkar olunub.

Faktla bağlı araşdırma aparılır.