Azərbaycanlı Mərakeş Krallığının ən yüksək zirvəsini fəth etdi - FOTO

Mərakeşdə yaşayan və İslam Dünyası Təhsil, Elm və Mədəniyyət Təşkilatında (İCESCO) çalışan Azərbaycanlı Müsəllim Əfəndiyev Mərakeş Krallığının Toubkal (4167 metr) zirvəsini fəth edib.

Cari ilin 12-14 aprel tarixlərində həmyerlimiz və bir neçə yerli hiking həvəskarları müvəffəqiyyətlə Toubkal Milli Parkında yerləşən, Şimali Afrikanın və eyni zamanda Ərəb dünyasının ən hündür zirvəsi olan, Mərakeş Krallığının Toubkal yüksəkliyinə qalxıblar.

Həmyerlimiz dəniz səviyyəsindən 4167 metr yüksəklikdə olan Toubkal dağının zirvəsini fəth edərək Azərbaycanın Bayrağını dalğalandırıb.