ASUS Zenbook 14 OLED: Estetika və texnologiyalar eyni cihazda - FOTO
Bu gün gündəlik həyatın ayrılmaz hissəsinə çevrilən noutbuklar işdə, əyləncədə və ətraf aləmlə ünsiyyətdə sadiq köməkçilərimizə çevrilib.
ASUS Zenbook 14 OLED sadəcə noutbuk deyil, o, müxtəlif tapşırıqların icrasında özünü ən yaxşı tərəfdən göstərən, ən yüksək performansı və səmərəliliyi təmin edən sadiq və texnoloji yoldaşınızdır. Gəlin niyə məhz bu noutbuku seçməli olduğunuzu və onun hansı imkanlar təklif etdiyini daha ətraflı nəzərdən keçirək.
Biznes tapşırıqlarının effektiv icrası və mobil istifadə üçün nəzərdə tutulmuş yeni “ASUS Zenbook UX3405” klassik “Zenbook” xəttinə daxil olan ultraportativ noutbukdur. Yeni model əvvəlki UX3404 modeli ilə müqayisədə daha yüksək performans və batareya ömrü təqdim etməklə yanaşı, həm də kompakt və yüngüldür. Onun diqqətəlayiq xüsusiyyəti, “Intel AI Boost NPU” neyron prosessorundan tutmuş klaviaturada xüsusi klavişi olan “Windows 11” üçün “Copilot” rəqəmsal köməkçisinə qədər süni intellekt texnologiyalarından geniş istifadə olunmasıdır.
Daha hansı xüsusiyyət “ASUS Zenbook 14 OLED” noutbukunu rəqəmsal dünyada yeni zirvələr fəth etmək istəyənlər üçün əsl maqnitə və ilham mənbəyinə çevirir? Əlbəttə ki, söhbət hər pikseli canlandıran və kontentə baxmağı əsl həzzə çevirən heyrətamiz “ASUS Lumina OLED” displeyindən gedir.
Zenbook 14 OLED noutbukunun əsas üstünlükləri:
- 3K genişlənməyə və 120 Hz tezliyə malik 14 düymlük “ASUS Lumina OLED” displeyi, həmçinin dar "NanoEdge" çərçivəsi sayəsində əla təsvir keyfiyyəti;
- Süni intellekt alqoritmlərinə malik ən müasir “Intel Core Ultra” prosessorunun təmin etdiyi qabaqcıl texnologiyalar və inanılmaz güc;
- Noutbukun nazikliyini (qalınlığı 14,9 mm) və yüngül çəkisini (1,2 kq) saxlamağa imkan verən, həmçinin 15 saatadək işləmə müddətini təmin edən nazik metal korpus və 75 Vt/saatlıq həcmə malik batareya;
- Şarj funksiyasına və əlavə displeylərin qoşulma imkanlarına malik HDMI, USB-A və 2 ədəd USB-C/Thunderbolt 4 daxil olmaqla tam birləşdirici dəsti.
Yuxarıda göstərilən əsas üstünlüklərdən savayı, digər əlavə xüsusiyyətlər “Zenbook 14 OLED” noutbukunu bir kompakt cihazda keyfiyyəti, performansı və üslubu qiymətləndirənlər üçün ideal seçimə çevirir.
Yüksək rəng dəqiqliyinə və etibarlılığa malik qabaqcıl OLED displeyi olan “ASUS Lumina OLED”:
- Yüksək dəqiqlik: ΔE < 1, “Pantone” sertifikatı, “VESA Display HDR TrueBlack”
- Adaptasiya qabiliyyəti: rəng məkanının seçimi, “ASUS Tru2Life” rəng profilləri
- Etibarlılıq və təhlükəsizlik: zərərli mavi işığın 70% azaldılması, OLED panelin yanmasından qorunma.
OLED displeyə malik ASUS noutbukları kinematoqrafik DCI-P3 rəng diapazonu sayəsində heyrətamiz təsvirlər təqdim edir. OLED displeylər həmçinin “TUV Rheinland Low Blue light” və SGS sertifikatları ilə təsdiqlənmiş yüksək kontrast səviyyəsini təmin edir. Bundan əlavə, bu noutbuklar yüksək rəng dəqiqliyi üçün “Pantone” sertifikatına, yüksək kontrast səviyyəsinə və son dərəcə aşağı reaksiya müddətinə malikdir.
“ErgoLift” ekran şarniri komfortlu iş imkanını və daha yaxşı soyutmanı təmin edir. Ekranın 180° açılması noutbuku müxtəlif vəziyyətlərdə istifadə etməyi asanlaşdırır: birgə iş zamanı noutbuku masa üzərinə qoya və ekranını 180° aça, yaxud dirsəklənərək noutbukdan istifadə edə bilərsiniz.
Model nazik və yüngül noutbuklar üçün “Intel Evo” standartına cavab verir, həmçinin yüksək performansı və avtonom iş imkanını təmin edir. “Intel Core Ultra” prosessorları “Intel AI Boost NPU” süni intellekt sürətləndiricisi ilə təchiz olunub ki, bu da tapşırığın yerinə yetirilmə sürətini əhəmiyyətli dərəcədə artırır və bulud sistemlərinə qoşulmadan cihazın işləmə müddətini uzadır.
75 Vt/saat həcmli batareya maksimum 15 saata qədər avtonom işləmə müddətini təmin edir. Noutbuk 65 Vt gücündə komplekt qida bloku ilə sürətli şarjı, həmçinin mobil akkumulyatordan və ya smartfon üçün şarj cihazından şarj imkanını dəstəkləyir. Bundan əlavə, batareyanın ömrü 1200 şarj-boşalma dövrünədək artırılıb.
Noutbuk müxtəlif portlarla, o cümlədən USB-A, tam ölçülü HDMI birləşdiricisi və 2 ədəd Thunderbolt 4/USB Type-C portu ilə təchiz olunub. Bu portlar cihazı şarj etməyə, monitorları və yüksək sürətli cihazları qoşmağa və MicroSD kart oxuyucusundan istifadə etməyə imkan verir.
Fərdi kompüterlərin klavişlərinə xas klaviş hündürlüyünə (19 mm) və 1,4 mm klaviş hərəkətinə malik “ErgoSense” klaviaturası komfortlu işləmə imkanını təmin edir. Noutbukda həmçinin daxili rəqəmsal klaviatura blokuna və tənzimlənən altişıqlanmaya malik taçpad, həmçinin “Windows Hello” ilə sürətli autentifikasiya, göz izləmə, arxa fon bulanıqlığı və işıqlandırma korreksiyası üçün “ASUS AiSense” - süni intellekt veb-kamerası var.
Güclü səs, superxətti dinamiklərə malik sertifikatlaşdırılmış Harman/Kardon audio sistemi sayəsində əldə edilir, səsboğuzu sistem isə məsafədən iş zamanı yüksək keyfiyyətli zəngləri və videokonfransları təmin edir. Bundan əlavə, “Zenbook” seriyalı noutbuklar MIL-STD 810H hərbi etibarlılıq standartına uyğun olaraq düşməyə qarşı dayanıqlılıq sınağından keçirilir, həmçinin müxtəlif ekstremal şəraitlərdə işləmək qabiliyyətinə malikdir.
Göründüyü kimi, “ASUS Zenbook 14 OLED” sadəcə noutbuk deyil, kiçik, lakin güclü cihazda təcəssüm tapmış rəqəmsal sənət əsəridir. Ən qabaqcıl texnologiyaları və zərif dizaynı özündə birləşdirən bu noutbuk sahiblərinə iş və oyun zamanı unikal təcrübə təklif edir. Minimum çəkini təmin edən kompakt və dəbli dizaynı bu noutbuku güclü performansı və mobilliyi qiymətləndirənlər üçün ideal yoldaşa çevirir. Beləliklə, əgər siz sadəcə noutbuk deyil, həm də sizə estetik zövq və texnoloji yeniliklər bəxş edəcək, rəqəmsal həyatınıza sadiq yoldaş axtarırsınızsa, seçiminiz məhz ASUS Zenbook 14 OLED noutbuku olmalıdır.
Reklam hüququnda
