Şəhid Elməddin Abbasov 30 ildən sonra dəfn olundu - FOTO

Bu gün Birinci Qarabağ müharibəsində şəhid olmuş Abbasov Elməddin Şirxan oğlunun nəşi ailəsinə təhvil verilib.

1news.az “Trend”ə istinadən xəbər verir ki, İntiqam Abbasov qardaşının nəşini Səhiyyə Nazirliyinin Patoloji Anatomiya Birliyindən təhvil aldıqdan sonra cənazə yaşadıqları evə gətirilib.

Şəhidlə vida mərasimi Sumqayıt şəhərindəki ailə evlərində keçirilib. Daha sonra E. Abbasov Sumqayıt şəhər Şəhidlər xiyabanında torpağa tapşırılıb.