“Azərxalça” İstanbulda təşkil olunan 15-ci Beynəlxalq “Şərq Xalçaları” Konfransında iştirak edib - FOTO | 1news.az | Xəbərlər
Mədəniyyət

“Azərxalça” İstanbulda təşkil olunan 15-ci Beynəlxalq “Şərq Xalçaları” Konfransında iştirak edib - FOTO

Qafar Ağayev14:15 - 09 / 06 / 2024
“Azərxalça” İstanbulda təşkil olunan 15-ci Beynəlxalq “Şərq Xalçaları” Konfransında iştirak edib - FOTO

İstanbulda təşkil olunan 15-ci Beynəlxalq “Şərq Xalçaları” Konfransında “Azərxalça” ASC də iştirak edib.

1news.az xəbər verir ki, İstanbulda təşkil olunan 15-ci “Şərq xalçaları” Konfransının əsas mövzusu “Şərq Xalçaşünaslığı 2024: Xalçaçılıq və xalça kolleksiyanın keçmişi və gələcəyi”dir. Konfransda iki əsas sahəyə xüsusi diqqət yetirilib: “Tarixi xalçalar və tekstil” və “Müasir incəsənət, dizayn və yeni istehsalat”. Mötəbər tədbirdə müxtəlif mövzularda iştirak etmək üçün 4 qitə, 20 ölkədən ümumilikdə 76 təklif daxil olub. Elmi Komitə tarix və yeni mövzular arasında tarazlığı qoruyaraq, 26 təqdimat və əsas çıxışçı kimi prof. Walter Denny üzərində dayanıb. Sessiyalar 7 və 8 iyun 2024-cü il tarixlərində baş tutub.

1976-cı ildən etibarən hər dörd ildən bir təşkil olunan və artıq 50 ildir ki, dünyada xalçaçılığın inkişafına dəstək verən, bu sahədə önə çıxan ölkələri birləşdirən konfransda “Azərxalça” ASC – nin İdarə Heyətinin sədri, Əməkdar İncəsənət Xadimi Emin Məmmədov da iştirak edib. Emin Məmmədov konfransda iyun ayının 8-də “Azərbaycan xalçaçılıq sənətində mədəni irsin davamlı inkişafı - üç nümunə əsasında” mövzusunda çıxış edib. Çıxış zamanı müasir dövrdə “Azərxalça” ASC-nin Azərbaycanın aparıcı və ən böyük xalça istehsalçısı kimi fəaliyyəti, istehsalatla yanaşı mədəni irsin qorunması, müasir dövrə, zövqə və interyerə uyğunlaşdırılması, qədim köklər, adət- ənənələr əsasında çağdaş tələblərə cavab vermə qaydalarından söz açılıb. Son dövrlərdə “Azərxalça” ASC- nin yalnız ölkədaxili deyil, xarici gənc mütəxəssislərlə əməkdaşlıqlarından və əldə olunan müsbət nəticələrdən bəhs olunub. Konfransın əsas mövzularından biri də 4-5 may 2024-cü il tarixlərində “İçərişəhər” Dövlət Tarix- Memarlıq Qoruğu İdarəsi, “Azərxalça” ASC-nin təşkilatçılığı, Azərbaycan Respublikasının İqtisadiyyat Nazirliyi, İxracın və İnvestisiyaların Təşviqi Agentliyinin – AZPROMO-nun dəstəyi ilə İçərişəhərdə təşkil olunmuş Azərbaycanın ilk Milli Xalça Festivalı olub. Tədbirin sonunda geniş auditoriyaya Milli Xalça Festivalından hazırlanmış nəfis video çarx təqdim olunub.

İyunun 6-da açılış sessiyasını tanınmış alim prof. Walter Denny “Xalça tədqiqatında qorunma və yeni texnoloji sərhədlər” mövzusu ilə Reyhan Polatın rəhbərlik edəcəyi “Ənənənin Gələcəyi” adlı yekun panel muzeylərdə xalça təqdimatlarının innovativ sistemi, yeni dizayn və naxışların yaradılmasında süni intellektdən istifadə, toxuculuq və təbii boyamanın son təcrübələrinə diqqət yetirir.

Digər sessiyalar isə Səlcuq və Osmanlı dövrlərinə aid Anadolu Xalçaları, Orta Asiya toxuculuqları və keçələri, arxeoloji tapıntılar, yeni muzey kolleksiyaları və xalçaçılıq strukturlarının texniki aspektləri kimi ICOC (International Churches of Christ) birliyinin konfranslarının daha ənənəvi sahələrini əhatə edəcək. Əvvəlki ICOC (International Churches of Christ) birliyinin konfransları ilə müqayisədə 15-ci konfransda bəzi yeni faktlar var. Bu sahədəki gənc mütəxəssislərdən, həmçinin xalça istehsal edən şirkətlərdən daha çox müraciət daxil olub.

Paylaş:
730

Son xəbərlər

Azərbaycanda “Avtomagistraldan ödənişli yol kimi istifadə Qaydası” dəyişibBu gün, 11:18Bəzi bölgələrdə şimşək çaxıb, leysan yağıb - FAKTİKİ HAVABu gün, 10:58Xankəndi və Şuşada xeyli silah-sursat aşkarlanıbBu gün, 10:53Beynəlxalq əmtəə, fond və valyuta bazarlarının göstəriciləriBu gün, 10:38Bazar ertəsi Qobustan və Qubada qaz olmayacaqBu gün, 10:21Bağ sahələrində narkotik tərkibli bitkilər yetişdirən Lerik sakinləri saxlanılıbBu gün, 10:04Sevinc Fətəliyeva: “Azərbaycan və Pakistan arasında əlaqələr yüksək səviyyədədir”Bu gün, 10:00Kapital Bank 2024-cü ilin 2-ci rübü üzrə maliyyə nəticələrini elan edib12 / 07 / 2024, 18:29Muxtar Babayev Macarıstanın ətraf mühit naziri ilə görüşüb12 / 07 / 2024, 18:00Bu ilin altı ayı ərzində narkotik alverinə görə məsuliyyətə cəlb edilənlərin sayı açıqlandı12 / 07 / 2024, 17:40“Azad edilmiş ərazilərdə ekoturizmin təbiği üçün tanınmış influenserlər və bloggerlərlə əməkdaşlıq etmək lazımdır”12 / 07 / 2024, 17:33COP29 Beynəlxalq Məşvərət Şurasının ilk iclası keçirilib12 / 07 / 2024, 17:28Unibank ikinci rübün maliyyə nəticələrini açıqlayıb12 / 07 / 2024, 17:10Azərbaycanda ötən il İİV-ə yoluxanların sayı açıqlanıb12 / 07 / 2024, 17:02Növbəti üç günə bölgələrdəki küləkli hava şəraiti ilə bağlı sarı və narıncı xəbərdarlıq edilib12 / 07 / 2024, 16:51Deputat: COP29-un keçirilməsinin Azərbaycana etibar edilməsi çox mühüm hadisədir12 / 07 / 2024, 16:31Füzulidə Birinci Qarabağ müharibəsinin şəhidi Muğan Əliyev dəfn edilib - FOTO12 / 07 / 2024, 16:30Dolu düşəcək, leysan yağacaq - XƏBƏRDARLIQ12 / 07 / 2024, 16:09Bu gün Əməkdar incəsənət xadimi Ruhəngiz Qasımovanın doğum günüdür12 / 07 / 2024, 15:482024-cü ilin 6 ayında ağır cinayət törətmiş 119 kriminal qrup zərərsizləşdirilib12 / 07 / 2024, 15:44
Bütün xəbərlər