KOB-ların satış imkanlarının genişləndirilməsi, alış-veriş, master-klasslar və mədəni proqram - “KOB FEST” BAŞLAYIR | 1news.az | Xəbərlər
Müsahibə

KOB-ların satış imkanlarının genişləndirilməsi, alış-veriş, master-klasslar və mədəni proqram - “KOB FEST” BAŞLAYIR

Qafar Ağayev16:06 - 12 / 06 / 2024
KOB-ların satış imkanlarının genişləndirilməsi, alış-veriş, master-klasslar və mədəni proqram - “KOB FEST” BAŞLAYIR

Mikro və kiçik sahibkarlıq subyektlərinin məhsullarının satışına və bazarlara çıxış imkanlarının genişləndirilməsinə dəstək məqsədilə ölkənin bir sıra regionlarında sərgi-satış yarmarkaları – “KOB FEST”lər keçiriləcək.

“KOB FEST” barədə 1news.az-ın suallarını Kiçik və Orta Biznesin İnkişafı Agentliyinin (KOBİA) əməkdaşı Firəngiz Xəlilova cavablandırıb.

- “KOB FEST” nədir?

- Dövlət tərəfindən mikro və kiçik sahibkarlıq subyektləri çoxşaxəli dəstək tədbirləri ilə əhatə olunub. Belə dəstək istiqamətlərindən biri də KOB subyektlərinin satış və bazarlara çıxış imkanlarının genişləndirilməsi ilə bağlıdır. KOBİA tərəfindən də bu sahədə KOB subyektlərinə müxtəlif dəstəklər göstərilir. Bunlardan biri də KOB-ların satış və bazarlara çıxış imkanlarını genişləndirən sərgilərə çıxışa dəstək mexanizmidir. Bu mexanizm çərçivəsində Agentlik hər il KOB-ların ödənişsiz olaraq müxtəlif ixtisaslaşmış sərgi və yarmarkalarda iştirakına dəstək olur. Bunlardan biri də “KOB FEST” sərgi-satış yarmarkalarıdır. Bu yarmarka 2022-ci ildən etibarən keçirilir və KOB-lar tərəfindən böyük maraq və rəğbətlə qarşılanır. Məqsəd KOB subyektlərinin istehsal etdiyi məhsul və xidmətlərin geniş istehlakçı auditoriyasına tanıdılması və satışına dəstək olmaq, istehlakçıları KOB-ların məhsul və xidmətlərindən istifadəyə təşviq etməklə mikro və kiçik sahibkarların inkişafını dəstəkləməkdir. Sərgi-satış yarmarkaları həmçinin, həssas əhali qrupuna aid sahibkarlıq subyektlərinin və sənətkarların satış imkanlarını artırmağı, istehsalçıları və istehlakçıları bir platformada görüşdürməyi, KOB-lar və təchizatçı şirkətlər arasında işgüzar əlaqələrin qurulmasını hədəfləyir. Yarmarkalarda məhsul və xidmətlərini təqdim edəcək mikro və kiçik sahibkarların iştirakı üçün ödəniş nəzərdə tutulmur, bütün xərclər dövlət dəstəyi hesabına qarşılanır. 2024-cü ildə də ölkənin bir sıra rayonlarında “KOB FEST” sərgi-satış yarmarkalarının təşkil olunması nəzərdə tutulur.

- Bu il “KOB FEST” hansı rayonlarda keçiriləcək?

- Builki “KOB FEST”lər Göygöl, Şəki, Gəncə, Naxçıvan və s. rayon və şəhərlərdə təşkil olunacaq. Artıq Göygöl rayonunun ərazisində keçiriləcək “KOB FEST” ilə bağlı sahibkarların məlumatlandırılması, onlardan müraciətlərin qəbulu həyata keçirilir. Bu tədbir 5-7 iyul tarixlərində Hacıkənd Xan Yaylağında keçiriləcək Milli Yaylaq Festivalı çərçivəsində təşkil olunacaq.

Yarmarkalarda daha çox tədbirin keçirildiyi rayondan, eləcə də ona yaxın bölgələrdən KOB-ların iştirakına üstünlük veriləcək. Bu sahədə Agentliyin ölkənin 40-dan çox şəhər və rayonunda fəaliyyət göstərən nümayəndələri – “KOB dost”ları yerlərdə sahibkarlarla aktiv iş aparır.

Ümumilikdə 2024-cü ildə təşkil olunacaq “KOB FEST”lərin ölkə üzrə əhatə dairəsi genişləndirilib. “KOB FEST”lər əsasən regionlarda təşkil olunacaq. Bu, bölgələrdə fəaliyyət göstərən mikro və kiçik sahibkarların satış imkanlarının artırılmasına və bazarlara çıxışının genişləndirilməsi üçün daha çox dəstəyə ehtiyacının olması ilə bağlıdır. Əvvəlki illərdən fərqli olaraq builki “KOB FEST”lərdə daha çox KOB subyektinin iştirakına şərait yaradılacaqdır.

- Əvvəlki illərdə təşkil edilmiş “KOB FEST”lərə maraq necə olub?

- KOBİA 2022-ci ildən etibarən “KOB FEST” sərgi-satış yarmarkalarını təşkil edir. İndiyədək bu yarmarkalar Bakı, Sumqayıt, Gəncə, Şəki, Lənkəran, Şəmkir, Quba və s. şəhər və rayonlarda keçirilib. Bu yarmarkalarda 600-ə yaxın mikro və kiçik sahibkarlıq subyektinin istehsal etdiyi məhsul və xidmətlər sərgilənib və satışı həyata keçirilib. Yarmarkalara KOB subyektləri, yaradıcı şəxslər və sənətkarlar tərəfindən ümumilikdə 4 mindən çox çeşiddə məhsul və xidmətlər, o cümlədən qida və qeyri-qida məhsulları, əl işləri, toxuculuq məhsulları, geyimlər, aksesuarlar, dəri və taxtadan suvenirlər, keramika, rəsm əsərləri, kitablar və s. çıxarılıb. İştirakçı sayı, məhsul çeşidi, eləcə də sərgi ziyarətçilərinin sayının çox olması “KOB FEST”lərə maraqdan xəbər verir. Bu tədbirlər həmçinin KOB subyektlərinə yeni əməkdaşlıqların qurulması, B2B görüşlərin keçirilməsinə imkan verib. “KOB FEST”lər həmçinin mikro və kiçik sahibkarların satış bacarıqlarının inkişaf etdirilməsinə, bu sahədə təcrübələrini artırmasına öz töhfəsini verib.

- “KOB FEST”lərdə iştirak şərtləri necədir?

- “KOB FEST” sərgi-satış yarmarkalarında mikro və kiçik sahibkarlıq subyektləri, sənətkarlar və yaradıcı şəxslər iştirak edə bilərlər. Yarmarkada iştirak etmək üçün mikro və kiçik sahibkarlıq subyektlərindən yalnız Agentliyin saytında yerləşdirilmiş onlayn müraciət formasını (https://smb.gov.az/az/contact-form/exhibition-form/1) doldurmaqla qeydiyyatdan keçmələri tələb olunur. İştirakla bağlı bütün xərclər KOBİA tərəfindən qarşılanacaq. “KOB FEST”lərdə iştirak etmək istəyən KOB-ları, eləcə də ictimaiyyəti məlumatlandırmaq məqsədilə əvvəlcədən yarmarkanın keçiriləcəyi şəhər və rayonlar barədə mediada, Agentliyin saytında və sosial şəbəkələrdəki hesablarında elanlar veriləcəkdir.

- Bəs, “KOB FEST”lərdə sərgi ziyarətçilərini nələr gözləyir?

- “KOB FEST”lərin keçirilməsində başlıca məqsəd KOB-ların məhsul və xidmətlərinin satışına dəstək göstərmək olsa da, yarmarkalar çərçivəsində 3 gün müddətində mədəni-əyləncəli proqram da təşkil olunacaq. Eyni zamanda yaradıcı şəxslər və sənətkarlar tərəfindən master-klasslar keçiriləcək. Bir sözlə, yarmarkanı ziyarət edən yerli əhali, qonaqlar və turistlər həm alış-veriş edə biləcək, həm də əylənəcəklər. “KOB FEST”lərin həmçinin ölkəmizi ziyarət edən turistlər üçün də maraqlı məkan olacağına inanırıq. Fürsətdən istifadə edərək tur şirkətlərinə proqramlarına “KOB FEST”ləri də salmağı tövsiyə edirik. Yarmarkalar turistlərə maraqlı hədiyyəlik əşyalar almağa, milli təamlarımızı dadmağa, əyləncəli gün keçirməyə imkan verəcəkdir.

Paylaş:
1047

Son xəbərlər

Bu ilin I yarısında dövlət qeydiyyatından keçən xarici investisiyalı müəssisələrin sayı açıqlanıb15 / 07 / 2024, 17:45Dünya Bankının Cənubi Qafqaz üzrə regional direktoru ilə görüş keçirilib15 / 07 / 2024, 17:31Azərbaycan və Çin dəmir yolları Orta Dəhlizin inkişafı üçün əməkdaşlığı genişləndirir15 / 07 / 2024, 17:29Qarabağ Universitetində İngilis dili müəllimi vəzifəsi üzrə vakansiyaya müraciət müddəti uzadılıb15 / 07 / 2024, 17:24Həftəsonu Müdafiə Nazirliyinin hərbi liseylərinə qəbul imtahanı keçiriləcək15 / 07 / 2024, 17:23Bakıdakı bağçalarda tərbiyəçi-müəllim vakansiyası üzrə qeydiyyata start verilir15 / 07 / 2024, 17:04BMTİP və Azərbaycan COP29-dan öncə iqlimlə bağlı fəaliyyətlərin artırılmasının zəruriliyini qeyd edir - FOTO15 / 07 / 2024, 16:58Əli Əsədov Dünya Bankının Cənubi Qafqaz üzrə regional direktoru ilə görüşüb15 / 07 / 2024, 16:48Kapital Bank-la digər banklardakı kreditlərinizi sərfəli şərtlərlə ödəyin15 / 07 / 2024, 16:41"Yeni Klinika”ya qaraciyər və böyrək köçürülməsi icazəsi verilib15 / 07 / 2024, 16:31İTV Avro-2024-ə görə tamaşaçılardan üzr istədi15 / 07 / 2024, 16:24Daha 149 kirayə mənzil satışa çıxarılıb15 / 07 / 2024, 16:05Azad olunmuş ərazilərdə ötən həftə aşkarlanmış minaların sayı açıqlandı15 / 07 / 2024, 15:42Azərbaycana turist axını artıb - RƏQƏMLƏR15 / 07 / 2024, 15:31Xalq Bank 2024-cü ilin II rübünün yekunlarını açıqladı15 / 07 / 2024, 15:19Köməyə çağırış: 12 yaşlı Hüseynin sizin dəstəyinizə ehtiyacı var - FOTO15 / 07 / 2024, 15:12Alkoqollu içkilərin idxalı və istehsalı sahəsində yeni şərtlər müəyyənləşdirilib15 / 07 / 2024, 15:05DİM: İmtahan iştirakçısı mobil telefonunu ayaqqabısının altında gizlətməyə cəhd göstərib - FOTO15 / 07 / 2024, 14:30Abşeronda narkokuryerdə 3 kq narkotik aşkarlanıb15 / 07 / 2024, 14:17Bu gün Xalq rəssamı Cəlal Qaryağdının doğum günüdür15 / 07 / 2024, 14:05
Bütün xəbərlər