Azerconnect Group və Vodafone Group arasında tərəfdaşlıq müqaviləsi imzalandı - FOTO | 1news.az | Xəbərlər
Cəmiyyət

Azerconnect Group və Vodafone Group arasında tərəfdaşlıq müqaviləsi imzalandı - FOTO

21:00 - 12 / 06 / 2024
Azerconnect Group və Vodafone Group arasında tərəfdaşlıq müqaviləsi imzalandı - FOTO

Azərbaycanda İKT və yüksək texnologiyalar sahələrində fəaliyyət göstərən Azerconnect Group və dünyanın aparıcı telekommunikasiya şirkəti Vodafone Group arasında tərəfdaşlıq müqaviləsi imzalanıb.

Tərəfdaşlıq müqaviləsi Azerconnect Group-un rəqəmsallaşma, təhlükəsizlik əməliyyatları mərkəzi, şəbəkə texnologiyaları və kommersiya xidmətləri kimi mühüm sahələr üzrə təkmilləşdirmə işlərini sürətləndirəcək. Vodafone ilə tərəfdaşlıq Azerconnect Group-a biznesin səmərəliliyini daha da artırmaq və əlavə dəyər yaratmaq imkanı verəcək.

Azerconnect Group-un Baş direktoru Emil Məsimov bildirib:

"Azerconnect Group Azərbaycanda uğurlu fəaliyyət tarixi olan ən böyük İKT şirkətidir. Bu tərəfdaşlıq sayəsində biz Vodafone-un zəngin qlobal telekommunikasiya təcrübəsindən faydalana bilərik. Hesab edirəm ki, bu tərəfdaşlıq ölkəmizin İKT sektorunun dayanıqlı inkişafına ciddi təkan verəcək”.

Vodafone-un Tərəfdaş Bazarları üzrə Baş İcraçı direktoru Petr Dvorjak əlavə edib:

“Azerconnect Group innovativ şirkətdir və Azərbaycan bazarında liderdir. Tərəfdaşlıq çərçivəsində, telekommunikasiya və biznes texnologiyaları sahələri üzrə təcrübəmizi bölüşmək və müştərilərə göstərilən xidmət keyfiyyətinin artırılması istiqamətində işlərə başlamağı səbirsizliklə gözləyirik”.

Azerconnect Group haqqında

Azerconnect Group ölkəmizin dinamik şəkildə inkişaf edən İKT və yüksək texnologiyalar sahələrində fəaliyyət göstərən şirkətdir. Azerconnect Group mobil, internet, beynəlxalq kanalların təşkili və FinTech, AdTech, Media/TV kimi rəqəmsal xidmətlər təqdim edir.

Azerconnect Group müxtəlif ölkələrdə enerji, telekommunikasiya, yüksək texnologiyalar və tikinti sahələrində fəaliyyət göstərən NEQSOL Holding beynəlxalq şirkətlər qrupunun tərkibinə daxildir.

Vodafone Group haqqında

Vodafone Avropa və Afrikanın aparıcı telekommunikasiya şirkətidir. Biz 15 ölkədə 330 milyondan çox müştəriyə mobil və sabit şəbəkə xidmətləri təqdim edirik, (Vodafone Group-un dayandırılmış əməliyyatı kimi hesab olunan Italiya istisna olmaqla) daha 44 ölkədə isə mobil şəbəkələrlə əməkdaşlıq edirik. Biz həmçinin dünyanın ən böyük IoT platformalarından birinə malikik. Afrika qitəsində bizim maliyyə texnologiyaları müəssisələrimiz hazırda 7 ölkədə 79 milyondan çox müştəriyə xidmət göstərir, bu da digər provayderin əməliyyatlarından daha çoxdur.

Bizim məqsədimiz daha yaxşı gələcəyə bağlanmaq üçün texnologiya vasitəsilə həyatları, biznesləri yaxşılaşdırmaq və inklüziv dayanıqlı cəmiyyətlərin tərəqqisinə kömək etməkdir. Ətraf mühitə təsirimizi azaltmaq üçün 2040-cı ilə qədər xalis sıfır emissiya hədəfinə sadiq qalırıq.

Əlavə məlumat üçün www.vodafone.com saytına daxil olun, X @VodafoneGroup ünvanında bizi izləyin və ya www.linkedin.com/company/vodafone ünvanında LinkedIn-də bizimlə əlaqə saxlayın.

Reklam hüququnda

Paylaş:
106

Son xəbərlər

Azərbaycan neftinin qiyməti 90 dolları ötübBu gün, 11:40Azərbaycanda “Avtomagistraldan ödənişli yol kimi istifadə Qaydası” dəyişibBu gün, 11:18Bəzi bölgələrdə şimşək çaxıb, leysan yağıb - FAKTİKİ HAVABu gün, 10:58Xankəndi və Şuşada xeyli silah-sursat aşkarlanıbBu gün, 10:53Beynəlxalq əmtəə, fond və valyuta bazarlarının göstəriciləriBu gün, 10:38Bazar ertəsi Qobustan və Qubada qaz olmayacaqBu gün, 10:21Bağ sahələrində narkotik tərkibli bitkilər yetişdirən Lerik sakinləri saxlanılıbBu gün, 10:04Sevinc Fətəliyeva: “Azərbaycan və Pakistan arasında əlaqələr yüksək səviyyədədir”Bu gün, 10:00Kapital Bank 2024-cü ilin 2-ci rübü üzrə maliyyə nəticələrini elan edib12 / 07 / 2024, 18:29Muxtar Babayev Macarıstanın ətraf mühit naziri ilə görüşüb12 / 07 / 2024, 18:00Bu ilin altı ayı ərzində narkotik alverinə görə məsuliyyətə cəlb edilənlərin sayı açıqlandı12 / 07 / 2024, 17:40“Azad edilmiş ərazilərdə ekoturizmin təbiği üçün tanınmış influenserlər və bloggerlərlə əməkdaşlıq etmək lazımdır”12 / 07 / 2024, 17:33COP29 Beynəlxalq Məşvərət Şurasının ilk iclası keçirilib12 / 07 / 2024, 17:28Unibank ikinci rübün maliyyə nəticələrini açıqlayıb12 / 07 / 2024, 17:10Azərbaycanda ötən il İİV-ə yoluxanların sayı açıqlanıb12 / 07 / 2024, 17:02Növbəti üç günə bölgələrdəki küləkli hava şəraiti ilə bağlı sarı və narıncı xəbərdarlıq edilib12 / 07 / 2024, 16:51Deputat: COP29-un keçirilməsinin Azərbaycana etibar edilməsi çox mühüm hadisədir12 / 07 / 2024, 16:31Füzulidə Birinci Qarabağ müharibəsinin şəhidi Muğan Əliyev dəfn edilib - FOTO12 / 07 / 2024, 16:30Dolu düşəcək, leysan yağacaq - XƏBƏRDARLIQ12 / 07 / 2024, 16:09Bu gün Əməkdar incəsənət xadimi Ruhəngiz Qasımovanın doğum günüdür12 / 07 / 2024, 15:48
Bütün xəbərlər