Oksford Universitetinin azərbaycanlı tələbəsi Qlobal Tələbə Mükafatına layiq görüldü
![Oksford Universitetinin azərbaycanlı tələbəsi Qlobal Tələbə Mükafatına layiq görüldü](/images/2024/07/22/20240722042135767/thumb.jpg?2024-07-22+16%3A23%3A09)
Oksford Universitetinin azərbaycanlı tələbəsi Nuranə Məmmədova Chegg.org və Varkey Fondu tərəfindən təşkil edilən Qlobal Tələbə Mükafatının Top 50-lik siyahısına daxil edilib.
1news.az xəbər verir ki, finalçılar dünya üzrə 11,000-dən çox nominasiya və ərizə arasından seçilib. Namizədlər 176 ölkədən olub və yekun siyahıya cəmi 30 ölkə çıxıb. Azərbaycan Respublikası Nuranə Məmmədovanın təmsilçiliyi altında bu siyahıda yer alıb.
Finalistlər akademik nailiyyətləri, həmyaşıdlarına təsirləri, icmalarında və onun hüdudlarından kənarda yaratdıqları təsir seçim meyarlarına aid idi. O cümlədən, yaradıcı və innovativ yanaşmaları və qlobal vətəndaş kimi necə fəaliyyət göstərmələrinə görə qiymətləndiriliblər.
Qlobal Tələbə Mükafatının əvvəlki qaliblərinin mükafatlarını ABŞ-ın keçmiş prezidenti Bill Klinton, Papa Fransisk və sairə kimi şəxslər təqdim ediblər.
Qeyd edək ki, Nuranə Məmmədova Şəmkir şəhər orta təhsil məktəbini fərqlənmə ilə bitirdikdən sonra, bakalavr üzrə təhsilini UNEC və ADAU universitetlərində alıb və qırmızı diplomla bitirmişdir. Daha sonra magist təhsilini Fransa, Almaniya və Türkiyədə fərqlənmə ilə bitirmişdir. Hal-hazırda, Oksford Universitetində Diplomatiya üzrə magistr təhsilini yekunlaşdırmaq üzrədir və Oksford Universitetində doktorant kimi akademik təhsilini davam etdirməyə dəvət alıb. Qlobal uğurlarından biri də 2019-cu ildə ABŞ-ın Denver Universitetinin versiyasına görə dünyanın 13 qadın liderlərinin siyahısında yer almasıdır.
Nuranə Məmmədova gənclər siyasəti və gənclərlə iş sahəsindəki fəaliyyətləri ilə bütün dünyada minlərlə gəncə təsir göstərməkdədir.
Əlavə olaraq qeyd edək ki,bu xəbərlə bağlı paylaşımlar “Oxford Mail”, “The Independent” və s. kimi xarici media portallarında da yer alıb.