Dağlıq ərazidə axtarış-xilasetmə vərdişləri ilə bağlı təlim keçirilib

Fövqəladə Hallar Nazirliyinin Gəncə Regional Mərkəzi xilasedicilərin iştirakı ilə 2024-cü ilin hazırlıq planına uyğun olaraq “Dağlıq ərazidə axtarış-xilasetmə vərdişlərinin təkmilləşdirilməsi” mövzusunda təlim keçirib.

1news.az FHN-ə istinadən xəbər verir ki, təlim zamanı şəxsi heyətin dağlıq və çətin keçilən ərazilərdə axtarış-xilasetmə işlərinin aparılması zamanı hazırlıq səviyyəsi yoxlanılıb, müxtəlif əməliyyatlar simulyasiya edilib.

Uğurla keçən təlimin sonunda əldə edilmiş nəticələr müzakirə olunub, müvafiq tapşırıqlar verilib.