Lisey və gimnaziyalara II mərhələ üzrə qəbul nəticələri açıqlandı
2024-2025 tədris ili üzrə mərkəzləşdirilmiş qaydada qəbul keçirən lisey və gimnaziyalara II mərhələ üzrə seçimlərin nəticələri elan olunub.
Bu barədə 1news.az-a Təhsil İnstitutundan məlumat verilib.
Bildirilib ki, qəbul nəticələri ilə şagirdlərin elektron hökumət portalı sy.edu.az platforması üzərindən "İmtahanlar" bölməsindən tanış olmaq mümkündür. Qəbul olunan şagirdlər üçün avtomatik sorğular yaradılıb. Şəxsi kabinetdə "Sorğularım" bölməsindən yaradılan sorğuların ardıcıllığını izləmək mümkündür.
Lisey və ya gimnaziyalara qəbul olan şagirdlərin 27 avqust 16:00-a qədər qəbul olduqları müəssisəyə şəxsi işləri təqdim edilməlidir. Qeyd olunan tarixədək sənədləri təqdim edilməyən şagirdlərin sorğuları silinəcək və qəbul etibarsız hesab ediləcək.
Müvafiq keçidə daxil olmaqla keçid balları ilə tanış ola bilərsiniz: II mərhələ üzrə keçid balları
