TKTA: Diplom tanınması prosedurları ilə bağlı heç bir şirkətlə əməkdaşlıq etmirik

Xaricdə təhsil sahəsində, o cümlədən tanınma prosedurları ilə bağlı heç bir şirkətlə əməkdaşlıq etmir və bu şirkətlərin fəaliyyətlərinə görə heç bir məsuliyyət daşımırıq.

1news.az xəbər verir ki, bu barədə Təhsildə Keyfiyyət Təminatı Agentliyi məlumat yayıb.

Qeyd olunub ki, iddiaçılara hər hansı şirkət və ya şəxslər tərəfindən verilən vəd tanınma müddətində heç bir rol oynamır və belə hallarla rastlaşdığınız təqdirdə Agentliyin "Qaynar xətt” xidmətinə (146-8) və ya [email protected] ünvanına məlumat vermək tövsiyə olunur.