Yenicə tələbə adını qazanan 18 yaşlı Aqilin sizin köməyinizə ehtiyacı var - FOTO
2006-cı il təvəllüdlü Aqil Fərzəliyev leykozdan əziyyət çəkir.
Bu barədə onun anası Sevinc Kərimli redaksiyamıza müraciət edib. O bildirib ki, oğlunun xəstəliyi mart ayının əvvəllərində özünü göstərməyə başlayıb:
“Mənə deyirdi ki, çox yorğunam. Mən elə bilirdim, məşğələlərə gedir deyə yorulur. Baş ağırıları da olmağa başladı. Adətən halı axşamlar dəyişirdi. Bəzən də qızdırması olurdu. Sonra gördüm, qızdırması 3 gündən artıq olur. Dedim, bir fəsadı olar, həkimə get. Mən o vaxtlar uşaq bağçasında işləyirdim. İcazə almaq olmurdu deyə həkimə özüm apara bilmirdim. Sonra ayağı və beli ağrımağa başladı. Həkimə getdi və analizlər verdi. Martın sonları bu xəstəlik aşkarlandı. Hazırda kimyaterapiyalar qəbul edir. Analizləri, dərmanları... Amma burada sağalmağına söz vermirlər. Övladı bu xəstəlikdən müalicə alıb sağalmış qonşumuz Almaniyada müalicə almağını məsləhət gördü. Hazırda Almaniya ilə əlaqə saxlayırıq və tibbi sənədlərin tərcüməsini göndərmişik, cavab gözləyirik. Mənim də övladımın Almaniyada tam sağalmağına ümidim böyükdür. Orada müalicə üçün təxminən 250-300 min manat lazımdır. Amma imkansızlıqdan heç nə edə bilmirik”.
Qeyd edək ki, Aqil 532 balla BMU-ya daxil olub. Gənc oğlanın xəstəliyin pəncəsindən qurtulub təhsil həyatına geri qayıtmaq üçün sizdən gələn maddi dəstəyə ehtiyacı var!
Əlaqə nömrəsi: 0506593964
Kart nömrəsi: 5239 1517 6675 2615
