Emin Əmrullayev: “Qəzalı məktəblərin sayı yarıbayarı azalıb”
“Hər il qəzalı məktəblərin sayı azalır”.
1news.az xəbər verir ki, bu barədə elm və təhsil naziri Emin Əmrullayev jurnalistlərə açıqlamasında deyib
“Şagird sayı az olan məktəblər tədrisə yararlı olmadığı halda biz məktəbləri birləşdirmirik, sadəcə şagirdləri başqa məktəbə daşıyırıq. 4 il bizdə qəzalı məktəb sayı 900-dən çox idisə, indi bu say təxminən yarıya düşüb. Biz qəzalı məktəbləri təmir edirik. Bununla belə hazırda 400-dən artıq məktəbimiz qəzalı vəziyyətdədir. Düşünürəm ki, gələcək illərdə bu surətlə davam etsək, problemi ixtisaslı şəkildə aradan qaldıracağıq”.
Nazir deyib ki, 3-5 şagirdi olan məktəbin iqtisadi yöndən saxlanılması səmərəli deyil.
“Qarşımızda belə bir məqsəd yoxdur ki, çox məktəb məktəb bağlayaq. Daha çox təhsilin keyfiyyətini və iqtisadi amilləri nəzərə alırıq”.
