“Qarabağ və Türkiyə-Azərbaycan Universitetlərində tədris digərlərindən gec başlayacaq”

“Bu ildən fəaliyyətə başlayan Qarabağ və Türkiyə-Azərbaycan Universitetlərində yeni tədris ili digər təhsil ocaqlarından fərqli olaraq bir həftə gec başlayacaq”.

1news.az xəbər verir ki, bunu elm və təhsil naziri Emin Əmrullayev jurnalistlərə açıqlamasında deyib.

"Universitetdə ilk tədris ili olduğu üçün birinci həftə tanışlıq həftəsi olacaq. Tədris sentyabrın 23-dən etibarən başlayacaq. Bu oxşar təcrübə Türkiyə-Azərbaycan Universitetində də tətbiq olunacaq. Sentyabrın 15-dən isə tələbələrin yataqxanalara yerləşdirilməsinə başlanacaq", - nazir bildirib.