Bakıda məktəb və bağçalarda aparılan monitorinqlərin sayı açıqlandı

Ötən tədris ilində Bakı Şəhər Təhsil İdarəsinin tabeliyində olan 71 ümumtəhsil müəssisəsi və 175 məktəbəqədər təhsil idarəsində monitorinq keçirilib.

1news.az xəbər verir ki, bunu Bakı Şəhəri üzrə Təhsil İdarəsinin (BŞTİ) müdiri vəzifəsini müvəqqəti icra edən Nərminə Hüseynova Bakı şəhəri təhsil işçilərinin sentyabr konfransında çıxışı zamanı deyib.

Onun sözlərinə görə, bu ilin ötən dövründə 246 bağçada sağlam qidalanma xidməti təmin edilib: "Bu rəqəm keçən il üçün 101 müəssisə idi. Eyni zamanda 62 təhsil müəssisəsində şagird davranış qaydaları tətbiq edilib".