Emin Əmrullayev: “May ayından sonrakı iki həftədə səmərəliliyimiz aşağı düşür”

“Məktəblərdə son dərs gününün iyunun 15-dək uzadılmasından 8-9 ilə yaxın vaxt keçib, amma hələ də həmin 2 həftə səmərəli istifadə edilmir”.

1news.az xəbər verir ki, bunu elm və təhsil naziri Emin Əmrullayev jurnalistlərə açıqlamasında deyib.

“Bizim elə də müşahidə etdiyimiz ondan ibarətdir ki, həmin dövrü məktəblər şagirdlərə nəyisə təkrarlamaq, geridə qalan şagirdi bir az irəli gətirmək, yay tapşırıqları vermək və sair kimi davam etdirilir. Sanki hamı həmin dövrü tez bitirib, yay tətilinə tələsir təəssüratı yaranır. Biz görürük ki, may ayından sonrakı iki həftədə səmərəliliyimiz aşağı düşür. Bunun səbəbini başa düşmək istəyirik, bu belə olmamalıdır. Təbii ki, bu daha çox dərsə girən müəllimlərdən aslıdır.

Bu, problemi bölgələrimizdə daha qabarıq görürük” .