Xüsusi araba ilə yardıma ehtiyacı olan şəxs təsəvvürü yaradıb gömrükçüləri aldatmaq istədi
İstanbul-Bakı aviareysi ilə gələn Azərbaycan vətəndaşı Heydər Əliyev Beynəlxalq Aeroportunun ərazisindəki gömrük zonasını əvvəlcədən sifariş etdiyi xüsusi araba ilə yardıma ehtiyacı olan şəxs təsəvvürü yaradaraq keçməyə cəhd göstərib.
Bu barədə 1news.az Dövlət Gömrük Komitəsinə istinadən xəbər verir.
Bildirilib ki, gömrük əməkdaşları tərəfindən vətəndaşa məxsus əl yüklərinə stasionar rentgen quruğusunda baxış keçirilib.
Monitorda şübhəli təsvirlər müşahidə olunduğundan vətəndaşa məxsus 5 çamadan və 2 idman çantasında gömrük baxışı aparılıb. Gömrük baxışı zamanı əl yüklərindən 20 qutu “Parlament aqua blue” markalı siqaret, 30 qutu “Marlboro silver blue” markalı siqaret, 1 qutu “Guatanamera 5 cristales” markalı tütün, 19 qutu “Al Capone” markalı tütün, 22 ədəd “Marlboro gold” markalı tütün, 2 qutu “GEORGE KARELİAS AND SONS” markalı tütün, 1 ədəd “XOR” markalı mobil telefon, 9 qutu “Promovia HYDRO balance 100 mg”, 3 qutu “RİLUTEK 50 mg 56 film tablet”, 1 qutu “Peyona 20 mg/ml”, 2 qutu “Enbrel MYCLİC 50 mg/ml etanersept”, 9 qutu “VİTRELLE 250 mcg/0.5ml”, 4 qutu “Aranesp 40 mikrogram”, 1 qutu “Letu 2.5 mg letrozol” 12 qutu “Letrol 2.5 mg”, 1 qutu “Replax 40 mg”, 2 qutu “İmex %3 Merhem 20 g”, - 1 qutu “Toujeo 300 U/ml”, 2 qutu “Ventolin 2 mg/5ml şurup”, 1 qutu “Lithuril 300 mg 100 kapsül”, 2 qutu “Saxenda 6 mg/ml 3 kalem”, 2 qutu “Gardasil 9”, 4 qutu “MOFECEPT 500 mg/ml”, 1 qutu “Tegretol 100 mg/5ml”, 7 qutu “Famera 2.5 mg”, 4 qutu “Antepsin 1g/5ml”, 1 ədəd flakonda “Octagam 10 g”, 3 qutu “GENOTROPİN 12 mg/ml” markalı dərman vasitələri, 8 qutu “PROGRAFT MEDİKAL 1.70 MM-60” adlı tibbi vasitələr, 24 ədəd dərman çantası, 4 ədəd 1 litrlik plastik qablaşmada elektron tütün mayesi və üzərində gizlətdiyi təxmini çəkisi 70 qram olan qızıl zinət əşyaları aşkar edilib.
Faktla bağlı araşdırma aparılır.
