I Qarabağ müharibəsinin şəhidi Ələkbər Babayev dəfn edilib

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən şəhid Babayev Ələkbər Əzizağa oğlunun meyitinin qalıqları dəfn olunub.

1news.az xəbər verir ki, şəhidin nəşi Maştağa qəsəbəsi Şəhidlər Xiyabanında torpağa tapşırılıb.

Dəfn mərasimində şəhidin doğmaları, Sabunçu Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, 1992-ci il noyabrın 11-də Ağdərə rayonunda itkin düşən Babayev Ələkbərin meyitinin qalıqları Tərtər şəhər məzarlığında aşkarlanıb.