Azərbaycanın turizm imkanları Londonda nümayiş etdirilir | 1news.az | Xəbərlər
Cəmiyyət

Azərbaycanın turizm imkanları Londonda nümayiş etdirilir

Qafar Ağayev15:25 - Bu gün
Azərbaycanın turizm imkanları Londonda nümayiş etdirilir

Dövlət Turizm Agentliyi yanında Azərbaycan Turizm Bürosu ölkənin turizm potensialını nümayiş etdirmək məqsədilə yerli turizm tərəfdaşları ilə birlikdə Böyük Britaniyanın paytaxtı Londonda keçirilən Dünya Səyahət Bazarı (WTM London 2024) beynəlxalq turizm sərgisində iştirak edir.

1news.az agentliyə istinadən xəbər verir ki, milli stenddə ölkəni “Azərbaycan Hava Yolları” və “Şahdağ Turizm Mərkəzi" QSC-lərlə ilə birlikdə ümumilikdə 10 yerli turizm sənayesi tərəfdaşı təmsil edir.

Sərgi zamanı ziyarətçilərə Azərbaycanın tarixi, mədəni irsi, milli mətbəxi, dağ-xizək mərkəzləri, şərabçılıq, sağlamlıq və ekoturizm imkanları, eləcə də qış turizmi barədə geniş məlumat təqdim edilir.

Milli stenddə ziyarətçilərə Azərbaycanın turizm potensialı ilə yaxından tanış olmaq üçün interaktiv təcrübələr təqdim olunur. Stenddə qonaqlar Azərbaycan şərablarının və milli şirniyyatların dadına baxa, eləcə də VR (virtual reallıq) eynəkləri vasitəsilə ölkəmizin gözoxşayan mənzərələrinə virtual səyahət edə bilərlər.

Azərbaycanın Böyük Britaniyadakı səfiri Elin Süleymanov milli stendə baş çəkərək sərginin gedişatı və nümayiş olunan turizm məhsulları ilə tanış olub.

WTM sərgisi 1980-ci ildən keçirilir, dünyanın hər yerindən turizm idarəetmə qurumlarını və turizm sənayesi nümayəndələrini bir araya gətirir. Noyabrın 7-nə qədər davam edəcək tədbirə 182 ölkədən 5 min sərgi iştirakçısının və turizm sənayesinin 51 mindən çox nümayəndəsinin qatılacağı planlaşdırılır.

Bu ilin yanvar-oktyabr aylarında Azərbaycana səfər edən Böyük Britaniya vətəndaşlarının sayı 20 973 nəfər təşkil edib ki, bu da ötən ilin eyni dövrü ilə müqayisədə 11 % artımdır.

Paylaş:
51

Son xəbərlər

Hikmət Hacıyev: Qafqazda iqlim dəyişikliyinin təsirləri haqqında faydalı hesabata görə UNEP-ə minnətdarıqBu gün, 17:45Bakı Beynəlxalq Avtovağzal Kompleksi gücləndirilmiş iş rejiminə keçəcəkBu gün, 17:39Media nümayəndələri üçün COP29 ərəfəsində seminar keçirilib - FOTOBu gün, 17:22Penitensiar xidmət və DİN əməliyyat keçirib, narkotik aşkarlanıbBu gün, 17:20Bu gündən COP29 iştirakçıları üçün metrodan istifadə pulsuzdurBu gün, 17:12“Azəriqaz” COP29 ilə əlaqədar gücləndirilmiş iş rejiminə keçibBu gün, 16:52Azərbaycanda bələdiyyə seçkiləri nə zaman keçirilə bilər? - MSK sədri açıqladıBu gün, 16:26İçərişəhərdə “Qurama Art: EKO İnstalyasiya” sərgisinin açılışı baş tutub - FOTOBu gün, 16:13Əli Əsədov KAICIID-in Baş katibi ilə görüşübBu gün, 16:08Hərbi Dəniz Qüvvələrində taktiki təlim keçirilib - VİDEOBu gün, 16:07Tramp qələbə qazandığını elan edibBu gün, 15:51COP29-la əlaqədar Bakı metropolitenində qərargah fəaliyyət göstərəcəkBu gün, 15:44Bakı metrosunun iş rejimi COP29 zamanı dəyişdiriləcəkBu gün, 15:31Azərbaycanın turizm imkanları Londonda nümayiş etdirilirBu gün, 15:25“Kartdan karta” üsulu ilə işləyən daha 120 sahibkara maliyyə sanksiyası tətbiq edilibBu gün, 15:13COP29 iştirakçıları üçün taksi xidməti tətbiqlərində “COP29” menyusu yaradılıbBu gün, 14:58Prezident: Azərbaycan ABŞ ilə münasibətlərinin hərtərəfli inkişafına xüsusi əhəmiyyət verirBu gün, 14:488 Noyabr prospekti bu gecədən bağlanırBu gün, 14:36Azərbaycan Prezidenti Donald Trampı təbrik edibBu gün, 14:20Bişkekdə 4SİM-in təşəbbüsü ilə hazırlanan Rəqəmsal İqtisadiyyat üzrə Tərəfdaşlıq Sazişi (DEPA) imzalanıbBu gün, 13:58
Bütün xəbərlər