Sənubər Nəzərova Departament rəhbəri təyin edildi
Veysəloğlu Şirkətlər Qrupunda (VŞQ) yeni təyinat reallaşıb.
1news.az xəbər verir ki, Sənubər Nəzərova Korporativ Kommunikasiyalar Departamentinin rəhbəri vəzifəsinə təyin edilib. Onun əsas fəaliyyət istiqaməti şirkətin PR strategiyasını idarə etmək və korporativ tədbirlərin təşkilindən ibarət olacaq.
Xatırladaq ki, hazırda Veysəloğlu Şirkətlər Qrupunun Mətbuat Xidmətinə Məhəmmədəli Qəribli rəhbərlik edir.
Sənubər Nəzərova bu təyinatdan əvvəl “Azərbaycan Dəmir Yolları” QSC-nin mətbuat katibi kimi fəaliyyət göstərib.
30 ildən artıq müddətdətdir fəaliyyət göstərən Veysəloğlu Şirkətlər Qrupu Azərbaycanın qeyri-neft sektorunda ölkə iqtisadiyyatına əhəmiyyətli töhfələr verən iri işəgötürənlərindən biridir. Gündəlik tələbat məhsulları (FMCG) sektorunda ixtisaslaşan Şirkətlər Qrupuna logistika, distribusiya, istehsalat və pərakəndə mağazaçılıq fəaliyyətləri üzrə xidmət göstərən şirkətlər daxildir.
