Bakıda iki evdə yanğın olub

Bakı şəhərinin Yasamal rayonunda yanğın olub.

1news.az FHN-ə istinadən xəbər verir ki, ümumi sahəsi 150 m² (hər mərtəbəsi 75 m²) olan ikimərtəbəli 5 otaqlı evin dam örtüyünün taxta atmaları 5 m² sahədə, evə bitişik ümumi sahəsi 282 m² (hər mərtəbəsi 94 m²) olan üçmərtəbəli evin tavanının şüşə-pambıqdan və taxtadan ibarət örtüyü 5 m² sahədə yanıb.

Hər iki evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.