Qəbələdə mürəkkəb relyefli dağlıq-meşəlik ərazidə köməksiz qalan şəxs xilas olunub - VİDEO | 1news.az | Xəbərlər
Cəmiyyət

Qəbələdə mürəkkəb relyefli dağlıq-meşəlik ərazidə köməksiz qalan şəxs xilas olunub - VİDEO

Qafar Ağayev10:13 - Bu gün
Qəbələdə mürəkkəb relyefli dağlıq-meşəlik ərazidə köməksiz qalan şəxs xilas olunub - VİDEO

Fövqəladə Hallar Nazirliyinin “112” qaynar telefon xəttinə Qəbələ rayonu, Nohurqışlaq kəndi istiqamətində mürəkkəb relyefli dağlıq-meşəlik ərazidə bir nəfərin köməksiz vəziyyətdə qalması barədə məlumat daxil olub.

1news.az FHN-ə istinadən xəbər verir ki, məlumatla əlaqədar dərhal FHN-in Şimal-qərb Regional Mərkəzinin xilasediciləri əraziyə cəlb olunub.

Hadisə yerində əməliyyat şəraiti qiymətləndirilərkən, 1986-cı il təvəllüdlü Məmmədov Orxan İkram oğlunun dağlıq ərazidə hündürlükdən yıxılaraq müxtəlif dərəcəli bədən xəsarətləri aldığı və köməksiz vəziyyətdə qaldığı müəyyən edilib.

Xilasedicilər çətin keçidli dağlıq-meşəlik ərazidə köməksiz vəziyyətdə qalan şəxsi xilas edərək təcili tibbi yardım briqadasına təhvil veriblər.

Paylaş:
52

Son xəbərlər

Bütün xəbərlər