Tbilisi prospektində qəza sıxlığa səbəb olub - FOTO

Yasamal rayonu, Tbilisi prospektinin Şəfayət Mehdiyev küçəsi ilə kəsişməsində yol-nəqliyyat hadisəsi baş verib.

1news.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə mərkəzindən məlumat verilib.

Bildirilir ki, qəza səbəbindən metronun “20 Yanvar” stansiyası ilə yanaşı, mərkəz istiqamətində də nəqliyyat sıxlığı yaranıb.

Sıxlığın aradan qaldırmaq üçün həm yol polisi əməkdaşları tərəfindən tədbirlər görülür, həm də Nəqliyyatı İntellektual İdarəetmə Mərkəzi tərəfindən intensivliyi artırmaq üçün svetoforlara “yaşıl dalğa” əmri verilir.