Salyanda baş verən yol qəzası nəticəsində xəsarət alan olub

Salyanda ağır yol-nəqliyyat hadisəsi baş verib.

1news.az-ın APA-ya istinadən məlumatına görə, Ələt–Astara magistralının Salyandan keçən hissəsində avtomobil qəzası qeydə alınıb.

Masallıdan Bakıya hərəkət edən “Ford” markalı nəqliyyat vasitəsi “Mercedes” markalı avtomobillə toqquşub. Nəticədə xəsarət alan “Ford”un sürücüsü Salyan Rayon Mərkəzi Xəstəxanasına çatdırılıb.

Faktla bağlı araşdırma aparılır.