1news.az

Məşhur aparıcı Koronavirusla Mübarizəyə Dəstək Fonduna ianə etdi

3 Aprel saat 13:26 ~ 1 dəqiqəlik oxu 510
Məşhur aparıcı Koronavirusla Mübarizəyə Dəstək Fonduna ianə etdi

Azad Azərbaycan Televiziyasının (ATV) tanınmış aparıcısı Lalə Azərtaş örnək addımı ilə gündəmə gəlib.


1news.az xəbər verir ki, tanınmış teleaparıcı, Koronavirusla Mübarizəyə Dəstək Fonduna 500 manat ianə edərək, addımı ilə bir çoxlarına nümunə olub. 


L.Azərtaş, indiki şəraitdə həyatlarını təhlükəyə ataraq, fəaliyyət göstərən şəxslərə, o cümlədən tibb işçilərinə öz təşəkkürünü çatdırıb.


Qeyd edək ki, koronavirus infeksiyasının Azərbaycan Respublikasında yayılmasının qarşısını almaq və onunla mübarizə istiqamətində həyata keçirilən tədbirlərə maliyyə dəstəyini təmin etmək məqsədilə yaradılan Koronovirusla Mübarizəyə Dəstək Fonduna fiziki və hüquqi şəxslər könüllü ödəmələr həyata keçirir.


Fondun vəsaiti koronavirusla mübarizə istiqamətində həyata keçirilən tədbirlərə, o cümlədən xüsusi rejimli tibb müəssisələrinin formalaşdırılmasına, tibb sahəsində çalışan işçilərin mükafatlandırılmasına və onlara maddi yardım göstərilməsinə, tibb müəssisələrinin infrastrukturunun təkmilləşdirilməsinə və maddi-texniki bazasının gücləndirilməsinə yönəldiləcəkdir.

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net