Polietilen torbaların ətraf mühitə və insan sağlamlığına ziyanı, mənfi təsiri - “Çıxışa doğru”da MÜZAKİRƏ – FOTO – VİDEO
Plastik qablaşdırma məhsullarının kütləvi istifadəsinin bitkilərə, heyvanlara, torpaq və su resurslarına mənfi təsirinin qiymətləndirilməsi əsasında bu sahədə çirklənmənin azaldılması ilə bağlı nəzərdə tutulan tədbirlərin icrası məqsədilə Tədbirlər Planı hazırlanıb.
Ölkəmizdə bu sahə üzrə mövcud vəziyyət araşdırılıb, habelə beynəlxalq təcrübəyə əsaslanaraq plastik qablaşdırma tullantılarının toplanması, daşınması, utilizasiyası və təkrar emalı zənciri boyu yüksək səmərəlilik və keyfiyyət səviyyələri, tənzimləyici mexanizmlər, istifadə olunan idarəetmə prinsipləri və digər istiqamətlər üzrə təhlillər aparılıb. Həmçinin ölkədə bu sahədə vəziyyətin yaxşılaşdırılması üçün dünyanın qabaqcıl ölkələrinin analoji təcrübələrindən istifadə edilərək strateji məqsədlər müəyyənləşdirilib.
1news.az-ın məlumatına görə, AzTV-nin “Çıxışa doğru” verilişində “Polietilen torbaların ətraf mühitə və insan sağlamlığına ziyanı, mənfi təsiri” mövzusunda aparılan müzakirələr zamanı bu barədə ətraflı danışılıb. Verilişin qonaqları Sağlam qidalanma üzrə mütəxəssis, qida təhlükəsizliyi hərəkatının rəhbəri Məhsəti Hüseynova, qida texnoloqu Ağa Salamov və Ekoloji maarifləndirmə və ictimaiyyətlə əlaqələr şöbəsinin mudiri Səyyarə Məmmədova mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
S.Xankişiyeva