1news.az

Prezident Administrasiyası: Türkiyə 20 Yanvar faciəsinin qurbanlarının xatirəsini anır

20 Yanvar saat 13:13 ~ 1 dəqiqəlik oxu 340
Prezident Administrasiyası: Türkiyə 20 Yanvar faciəsinin qurbanlarının xatirəsini anır

Türkiyə 20 Yanvar faciəsinin qurbanlarının xatirəsini anır.

Bunu Trend-ə 20 Yanvar faciəsinin 30-cu ildönümü ilə əlaqədar Türkiyə Prezident Administrasiyasından bildiriblər.

Administrasiyadan deyiblər ki, Türkiyə ölkənin müstəqilliyi üçün həyatlarını qurban vermiş qardaş Azərbaycanın oğul və qızlarını unutmur və heç vaxt unutmayacaq:

“20 Yanvar faciəsindən otuz il keçməsinə baxmayaraq bu yara hələ də Azərbaycan və Türkiyə xalqlarının yaddaşında təzədir”.

Məlumatda o da qeyd olunub ki, qanlı faciədən 30 il keçməsinə baxmayaraq, hadisənin günahkarları hələ də cəzalanmayıb.

Administrasiyadan vurğulayıblar ki, Türkiyə bundan sonra da qardaş Azərbaycanı bütün sahələrdə dəstəkləyəcək.

Qeyd edək ki, 1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən Sovet ordusu Azərbaycana qarşı hərbi əməlliyatlara başladı. Faciə zamanı 147 insan öldürüldü, 744-ü ağır xəsarət aldı, 841 nəfər isə qanunsuz olaraq həbs edildi. Sovet ordusunun əməliyyatları nəticəsində 200 mənzil, ev, şəxsi və dövlət əmlakı dağıldı.

Xalqımızın qan yaddaşında əbədi yaşayacaq 20 Yanvar faciəsi respublikamızda hər il Ümumxalq Hüzn Günü kimi geniş qeyd edilir.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net