İrəvanda silahlı dəstənin üzvləri hökumətə təslim olub – VİDEO

Ermənistan polisi silahlı dəstənin üzvlərinin hökumətə təslim olmasını əks etdirən videoları yayımlayıb. 

Proseslər istefada olan general Vitaliy Balasayanın nəzarəti ilə həyata keçib. O, danışıqları aparan əsas şəxs idi.

Balasayan Təhlükəsizlik Xidməti əməkdaşlarını “Sasna çrer” qrupunun üzvlərini sakit  şəkildə müşayiət etməyi tapşırmışdı. Beləliklə, PPX alayını ələ keçirən 31 nəfərdən 20-si erməni hökumətinə təslim olub. Qrupun digər üzvləri daha əvvəl təslim olaraq xəstəxanaya yerləşdirilib, onlardan 2-si gündüz təslim olub.

Beləliklə, Ermənistan Təhlükəsizlik Xidmətinin yaydığı məlumata görə, İrəvanda PPX alayının azad olunması əməliyyatı başa çatıb.

Xatırladaq ki, iyulun 17-də bir qrup silahlı şəxs post-patrul xidməti polkunun binasını ələ keçirərək oradakı insanları girov götürüb. Hücum nəticəsində 1 polis öldürülüb, 6 nəfər, o cümlədən 5 polis əməkdaşı yaralanıb.

Binanı ələ keçirən silahlılar Prezident Serj Sarkisyanın istefasını və “Yeni Ermənistan” radikal müxalif İctimai Xilas Cəbhəsinin lideri Jirayr Sefilyanın azad olunmasını tələb edir. Hökumətlə danışıqlardan sonra iyulun 23-də qruplaşma üzvləri əllərində olan son girovları azadlığa buraxıb.

İki həftə ərzində “Sasna çrer” qrupu yeddi polis əməkdaşını, eləcə də təcili yardım xidmətinin 4 tibb işçisini girov götürmüşdü. İki tibb içsini iyulun 31-də azad olunmuşdu.

Mövzu ilə əlaqədar oxuyun:

İrəvanda silahlı qrupun rəhbəri həbs edilib

İrəvanda silahlı müqavimətin yeni mərkəzlərini yaratmaqla hədələyirlər - FOTO

İrəvanda keçirilən mitinqdə Ermənistan prezidentinin istefası tələb edilir

İrəvanda kütləvi iğtişaşlar: 16 nəfər həbs olunub, 50 nəfər yaralanıb

1news.az