Dmitri Peskov: “Paris sammitində Putinlə Ərdoğanın görüşü gözlənilmir”

Rusiya prezidenti Vladimir Putin Parisdə iqlim dəyişikliyi məsələsinə həsr olunan sammitdə Türkiyə prezidenti Rəcəb Tayyib Ərdoğanla görüşməyəcək.

1news.az-ın TACC-a istinadən verdiyi məlumata görə, bunu Rusiya prezidentinin mətbuat katibi Dmitri Peskov deyib.

“Ərdoğanla görüş planlaşdırılmır, belə bir görüşdən söhbət getmir. Görüş olmayacaq”, - deyə o, söyləyib.

D.Peskov iki prezident arasında telefon danışığını da istisna edib:

“Hələlik Putinin qrafikində hər hansı əlaqə yoxdur”.

Daha əvvəl də Türkiyə dövlət başçısı Rəcəb Tayyib Ərdoğan Qazaxıstan prezidenti Nursultan Nazarbayevlə telefon danışığı zamanı yenidən Rusiya prezidenti Vladimir Putinlə ən yaxın vaxtda görüşməyə hazır olduğunu təsdiq etmişdi.

1news.az