Aytən Mustafayeva: “Azərbaycanda dini ekstremizmin qarşısı alınacaq”
“Azərbaycan vətəndaşları ayıq olmalıdırlar. Ayıq olmaqla bərabər, vətəndaşlarımız həm də vətənpərvər və savadlı olmalıdırlar. Çünki savadlı insanı aldatmaq çətindir”.
Bu sözləri bu gün Azərbaycan Milli Elmlər Akademiyasının (AMEA) İnsan Hüquqları İnstitutunun direktoru, millət vəkili Aytən Mustafayeva 10 dekabr – Beynəlxalq İnsan Hüquqları Gününə həsr olunmuş mətbuat konfransında deyib.
İnstitut direktoru deyib ki, Azərbaycanda bütün dinlərə münasibət tolerantdır:
“Lakin bu gün bəzi qüvvələr din pərdəsi altında ekstremist fəaliyyətlə məşğul olurlar. Azərbaycanda dini etiqad azadlığı var. Nardaranda baş verən hadisələri insan hüquqlarının pozulması kimi qiymətləndirmək düz deyil. Nardaranda təhsilə münasibət dəyişib. Axı necə olur ki, orada uşaqları məktəbə buraxmırlar?! Biz cəmiyyət olaraq bu hadisələrə münasibətimizi ortaya qoymalıyıq”.
1news.az
