Silahlı Qüvvələrin şəxsi heyəti Ümummilli Liderin xatirəsini anıb

Dekabrın 12-də Silahlı Qüvvələrin bütün qoşun növlərinin, Əlahiddə Ümumqoşun Ordusunun, hərbi birlik və birləşmələrin, xüsusi təyinatlı təhsil müəssisələrinin şəxsi heyəti Azərbaycan xalqının ümummilli lideri Heydər Əliyevin xatirəsini anma günü münasibətilə keçirilən mərasimlərdə iştirak ediblər.

Müdafiə Nazirliyinin mətbuat xidmətindən 1news.az-a bildiriblər ki, hərbi qulluqçular bölgələrdə yerləşən Heydər Əliyev mərkəzləri, eləcə də Ulu Öndərin rayon və şəhərlərdəki abidələrini ziyarət edib, dahi şəxsiyyətin xatirəsini anaraq ehtiramlarını bildiriblər.