Minsk qrupunun həmsədrləri Dağlıq Qarabağ münaqişəsinə dair məsələləri Londonda müzakirə edəcəklər

ATƏT-in Minsk qrupunun həmsədrləriLondona yola düşərək, orada İngiltərənin XİN rəhbərləri ilə Dağlıq Qarabağ münaqişəsinin nizamlanmasına dair müzakirələr aparacaqlar.

Bu haqda ATƏT-in Minsk qrupunun ABŞ-dan olan həmsədri Ceyms Uorlik bazar ertəsi axşam özünün Twitter səhifəsində qeyd edib.

Xatırladaq ki, yanvarın 6-da Uorlik Dağlıq Qarabağ münaqişəsinin nizamlanması haqda ABŞ Konqresinin Xarici əlaqələr komitəsində danışıqlar aparıb. Orada onu daha çox ermənipərəst mövqeləri ilə tanınan Xarici əlaqələr komitəsinin rəhbəri, respublikaçı Ed Roys qəbul edib.

ATƏT-in Minsk qrupu həmsədrlərinin vasitəçiliyi ilə artıq 20 ildir ki, Dağlıq Qarabağ münaqişəsinin nizamlanması ətrafında danışıqlar aparılır. Lakin səylər öz nəticəsini vermir: belə ki, Ermənistan 20% Azərbaycan torpaqlarını – Dağlıq Qarabağı və yeddi rayonu işğal altında saxlayır.

1news.az