Yavər Camalov Çexiyanın Azərbaycandakı səfiri ilə görüşüb

Müdafiə sənayesi naziri Yavər Camalov Çexiya Respublikasının Azərbaycandakı fövqəladə və səlahiyyətli səfiri Vitezslav Pivonka ilə görüşüb.

1news.az-ın məlumatına görə, nazir Y.Camalov Azərbaycanla Çexiya arasında müxtəlif sahələrdə inkişaf edən ikitərəfli əməkdaşlığı yüksək qiymətləndirdiyini vurğulayıbvə Müdafiə Sənayesi Nazirliyinin fəaliyyəti ilə bağlı səfirə məlumat verib.

Görüş zamanı hərbi-texniki əməkdaşlıq üzrə qarşılıqlı maraq doğuran məsələlər ətrafında fikir mübadiləsi aparılıb.

Səfir V.Pivonka səmimi görüşə görə minnətdarlığını bildirib.

1news.az