“Al-Kuwaityah”: Heydər Əliyev Beynəlxalq Aeroportu dünyanın ən gözəl hava limanıdır - FOTO

Küveytdə ərəb dilində nəşr olunan və böyük oxucu auditoriyasına malik gündəlik “Al-Kuwaityah” qəzetində “Şəkillərdə......Dünyanın ən gözəl hava limanı” başlığı altında məlumat dərc edilib.

1news.az-ın AZƏRTAC-a istinadla verdiyi xəbərə görə, bu haqda Azərbaycanın Küveytdəki səfirliyindən bildiriblər.

Məlumatda qeyd olunur ki, bir sıra sosial şəbəkə istifadəçiləri tərəfindən paylaşılan foto-şəkillərə əsasən dünyanın ən gözəl hava limanı Azərbaycanın paytaxtı Bakıda yerləşən və ölkənin beş hava limanından biri olan Heydər Əliyev Beynəlxalq Aeroportudur.

Bununla yanaşı, yazıda aeroportun Azərbaycan xalqının ümummilli lideri Heydər Əliyevin adını daşıdığı bildirilir. Eyni zamanda, məlumatda sosial şəbəkə istifadəçilərinin hava limanının füsunkar gözəlliyə malik olduğundan məmnunluq ifadə etdikləri vurğulanıb.

Yazının tam mətni ilə aşağıdakı linkdə tanış olmaq mümkündür:

http://www.alkuwaityah.com/Article.aspx?id=343464

1news.az