Elmar Məmmədyarov GUAM-ın baş katibi Altay Əfəndiyevi qəbul edib

Xarici işlər naziri Elmar Məmmədyarov Demokratiya və İqtisadi İnkişaf naminə təşkilat - GUAM-ın baş katibi Altay Əfəndiyevi qəbul edib

Görüşdə Demokratiya və İqtisadi İnkişaf naminə təşkilat - GUAM çərçivəsində üzv dövlətlər arasında iqtisadi-ticarət əlaqələrinin və işçi qrupları üzrə sahəvi əməkdaşlığın inkişafı məsələləri müzakirə olundu.

1news.az Xarici İşlər Nazirliyinin mətbuat xidmətinə istinadən xəbər verir ki, nazir Elmar Məmmədyarov hal-hazırda GUAM-a sədr ölkə kimi Azərbaycanın üzv dövlətlər arasında nəqliyyat, turizm, enerji, informasiya və kommunikasiya texnologiyaları sahəsində əməkdaşlığın inkişafına töhfəsini vurğuladı.

Görüş əsnasında qarşılıqlı maraq doğuran məsələlər ətrafında fikir mübadiləsi aparıldı.

1news.az