Aİ nümayəndəsi: “Azərbaycan ilə imzalanmış yeni əməkdaşlıq sazişi günün tələblərinə cavab verməlidir”
Hazırda Avropa İttifaqı ilə Azərbaycan arasında imzalanmış əməkdaşlıq haqda sazişin hüquqi bazası 1999-cu ildə olan razılaşmadır.
1news.az-ın verdiyi xəbərə görə, bunucümə günü keçirilən mətbuat konfransı zamanı Avropa İttifaqının (Aİ) nümayəndəsi Malena Mard bildirib.
“Lakin hazırda hər iki tərəf 17 il əvvəlkindən olduqca fərqlənirlər. Buna görə də biz, bu günün tələblərinə cavab verən sənəd hazırlamalıyıq”, - M.Mard bildirib.
Bu konteksdən çıxış edərək M.Mard bildirib ki, Avropa İttifaqı Azərbaycanın ticarət sahəsində böyük portnyorudur, eyni zamanda iri sərmayədarlarından biridir. Tərəflər arasında viza rejimi asanlaşdırılıb.
Diplomat qeyd edib ki, tərəflər bütün sahələri əhatə edəcək razılşama əldə etməyə maraqlıdırlar. Bu sahələr – insan hüquq və azadlıqlarından tutumuş, enerji, qanununun aliliyi, eləcə də ticarət, təhsil və mədəniyyət sahələrini də əhatə etməlidir.
“Ötən ilin dekabrında Avropa İttifaqı ilə Azərbaycan arasında strateji əməkdaşlıq haqda sazişin ilkin danışıqları aparılıb.Modernləşmiş strateji əməkdaşlıq haqda saziş iki ildir ki, müzakirə mərhələsindədir. Bu, Şərq Tərəfdaşlığına üzv olan ölkələrin imzalayacaqları sazişi əvəz etməlidir. Lakin dünyada baş verən geosiyasi dəyişikliklər bir sıra Şərq Tərfdaşlığı ölkələrini, həmçinin Azərbaycanı bundan imtina etməyə gətirib çıxardı”.
Malena Mard sözlərinə əlavə edərək bildirdi ki, hər şey rahatlıqla getmədi.
“Lakin Şərq Tərəfdaşlığı proqramı çərçivəsində müsbət hadisələr də baş verdi. Gələcək əməkdaşlığımız müddətində biz, məhz bu hallara diqqət etməliyik”.
1news.az
