SOCAR “Petkim”-in sabiq rəhbərinin tutulma xəbərinə aydınlıq gətirib - YENİLƏNİB

SOCAR “Petkim Petrokimya Holding A.Ş.”-nin sabiq baş icraçı direktoru Saadettin Korkutun saxlanılması və şirkətin bəzi əməkdaşlarının işdən azad olunmasına münasibət bildirib.

1news.az-a SOCAR-ın mətbuat xidməti və ictimaiyyətlə əlaqələr şöbəsindən verilən xəbərə görə, S.Korkut dünən tutduğu vəzifədən azad olunub və onu SOCAR-ın Yunanıstandakı törəməsinin (“SOCAR Greece”) rəhbəri işləmiş Anar Məmmədov əvəzləyib:

“Bu gün Anar Məmmədov kollektivə təqdim olunacaq”.

11.31

Türkiyənin “Petkim” neft-kimya kompleksinin yeni baş direktoru vəzifəsinə Anar Məmmədov təyin edilib.

1news.az-ın verdiyi xəbərə görə, bu barədə Türkiyənin rəsmi dövlət orqanının saytında məlumatda bildirilir.

Qeyd edək ki, bundan öncə  “Petkim”-in daha öncəki baş direktoru Saadettin Korkut vəzifəsindən istefa verib. Belə ki o, Fəthullah Gülən hərəkatı ilə əlaqədə ittiham olunaraq saxlanılıb.

10.28

“Petkim Petrokimya Holding A. Ş.” neft-kimya kompleksinin baş direktoru Saadettin Korkut saxlanılıb.

1news.az-ın Anadolu-ya istinadla  verdiyi xəbərə görə, eyni zamanda, S.Korkutun evində və iş yerlərində axtarış aparılıb.

Həbsdən öncə holdinq rəhbəri tutduğu vəzifədən istefa verib. Bundan başqa, holdinqin, onunla əlaqəsi olan digər müəssisələrin də rəhbərliyində təmsil olunan bir neçə şəxsin işindən uzaqlaşdırıldığı iddia olunur.

Ümumilikdə, 200-dən çox şəxs işdən uzaqlaşdırılıb. Onların arasında "SOCAR Turkey Energy" şirkətinin ictimaiyyətlə əlaqələr üzrə bölmənin rəhbəri Ömər Adsız, STAR zavodunun insan resursları üzrə direktoru Fuat Ulagay və onun "SOCAR Turkey Energy"dən olan həmkarı İlqar Mehmetoğlu, "SOCAR Turkey Energy"nin elmi tədqiqat üzrə direktoru Çetin Korkut da istefa verib.

Bildirilir ki, onların işdən uzaqlaşdırılmasına səbəb FETÖ ilə əlaqələrinin olmasıdır.

1news.az